miniatur|hochkant=0.8|Wangari Maathai miniatur|hochkant=0.8|Wangari Maathai mit den dormaligen US-Senator Barack Obama in Nairobi in’n August 2006
Wangari Muta Maathai (* 1. April 1940 in’n Nyeri District, in’n Afsnitt Tetu in dat Dörp Ihithe; † 25. September 2011 in Nairobi) weer en keniaansche Wetenschaplerin, Politikersche un siet 2002 Viez-Ministersche för Umweltschuul in Kenia.
1971 hett se as eerste Fru ut Kenia den Doktertitel an de Universität Nairobi maakt. In dat sülvige Johr wurr se de eerste Perfessersche för veterinäre Anatomie un later Dekansche vun hör Fackrebeet an de Universität vun Nairobi. 1977 hett se dat Upforstprojekt „Green Belt Movement“ (Grööngördel-Bewegen) in’t Leven ropen. In’n Loop vun de Johren wurr dorut en panafrikaansche Bewegen, de intüschen in 13 Länner aktiv is, üm un bi 600 Boomscholen grünnt hett un bit 1993 to’n Schuul vör Erosion 30 Million Bööm nee plant hett. Wegen disse Pioneerrull kreeg se den Binaam „Mama Miti“ (Kisuaheli för „Moder vun de Bööm“). 2004 kreeg se för hör Arbeit den Fredensnobelpries.
Maathai weer Liddmaat in den Club of Rome. Se is an Krebs storven.
Literatur Stefan Ehlert: Wangari Maathai – die Mutter der Bäume. Herder Verlag, Freiburg 2004, ISBN 3-451-05580-5. Wangari Maathai: The Green Belt Movement: Sharing the Approach and the Experience. Lantern Books, New York 2003, ISBN 1-59056-040-X.
Weblenken
DNB-Katalog Persöönliche Websteed vun Wangari Maathai (engelsch) Biographie up de Sieden vun dat Nobelprieskomitees (engelsch) Right Livelihood Award: Wangari Maathai (Biographie) (engelsch) Websteed vun de Wangari Maathai-Foundation (engelsch)
Kategorie:Fru Kategorie:Börger von Kenia Kategorie:Politiker (Kenia) Kategorie:Freedensnobelpries Kategorie:Liddmaat Club of Rome Kategorie:Boren 1940 Kategorie:Storven 2011