duum|rechts|Sebastian Lang Sebastian Lang (* 15. September 1979 in Sonneberg) is en ehmalg düütsch Profi-Radrennfohrer.
Lang is as Amateur siet 1998 bi dat Team TEAG Köstritzer fohren un wurr 2001 U23-Viezweltmeester in’t Eenzeltietfohren. 2002 wurr he Profi un fohr denn för dat Team Gerolsteiner. 2009 is he to de belgisch Mannschap vun Silence - Lotto (intüschen: Omega Pharma-Lotto) wesselt.
Lang is en gooden Tietfohrer. Sien best Resultate sünd de Sieg vun twee Deelstrecken bi de Rhienland-Palz-Rundfohrt 2002, en Sieg tosommen mit Michael Rich bi dat Paartietfohren in Karlsruhe 2003 un de Sieg bi de Däänmark-Rundfohrt (vör Jurgen Van Goolen un Laurent Brochard) in dat glieker Johr. Bi de Hessen-Rundfohrt 2004 wunn Lang en Deelstreck un weer an’ Enn’ ok Gesamtsieger (vör Stefan Schumacher un Jérôme Pineau).
Sebastian Lang hett elf Mal an de Tour de France deelnommen, tweemal an den Giro d’Italia un eenmal an de Vuelta a España. Bi de Tour de France 2008 kunn he dree Daag lang dat Trikot vun den Bargführenden dragen.
Sebastian Lang leevt hüüd in Erfurt un hett ankünndigt, an Enn’ vun de Saison 2011 sien Loopbahn to beenden.
Palmarès 2001 Viezweltmeester Eenzeltietfohren U23 Düütsch Meester – Eenzeltietfohren U23 2002 2 Deelstrecken Rhienland-Palz-Rundfohrt 2003 Sieg bi den Prolog vun de Rhodos-Rundfohrt Sieg Paartietforen Karlsruhe (mit Michael Rich) Gesamtsieg Däänmark-Rundfohrt 2004 Gesamtsieg un Etappensieg Hessen-Rundfohrt 2005 Etappensieg Hessen-Rundfohrt 2006 Düütsch Meester Tietfohren Sieger LuK Challenge (mit Markus Fothen) Sieger vun de Bargwerten bi de Düütschland Tour Gesamtsieg un Etappensieg 3-Länner-Tour 2008 Root Rüchnummer Tour de France för de kämperischste Leistung up de negente Deelstreck bi de Tour de France Dräger Bargtrikot Tour de France (dree Daag) 2011 Dräger Bargtrikot Giro d’Italia
Weblinks Offizielle Website Sebastian Lang in de Datenbank vun Radsportseiten.net
Kategorie:Mann Kategorie:Börger von Düütschland Kategorie:Radrennfohrer (Düütschland) Kategorie:Boren 1979