rechts|duum|Damiano Cunego 2006 bi den Giro d’Italia Damiano Cunego (* 19. September 1981 in Verona) is en ehmalger italieensch Radrennfohrer.
Karriere 1997–2001 Cunego keem mit eerst 16 Jahren to’n Radsport. All dree Johr later wurr he Junioren-Straatenweltmeester. Bald wurr he wegen sien Körperbau un Fohrstil in de Presse tonehmend as „de nee Pantani“ betekent. Sien Ökelnaam is aber Il Piccolo Principe (de lütte Prinz].
2002–2004 2002 wurr he Profi. 2004 wunn he tonächst de Trentino- un de Apenninen-Rundfohrt. Wenig Weeken later wunn he as man eerst 22-johrig den Giro d’Italia, de nah de Tour de France as dat swoorste Etappenrennen vun de Welt gellt. Nich blots den Gesamtsieg hett he henkregen, man ok noch veer Deelstrecken wunnen, ofschons he eenig as Helper för sien Teamkollegen, den tweemaligen Giro-Siegers Gilberto Simoni, inplaant ween weer. An Enn’ vun dat Johr wunn he dennn ok noch de Lombardei-Rundfohrt. In de Saison 2004 weer he somit Führender in de letzt konventionell UCI-Weltranglist.
2005 2005 keem he wegen Erkrankung bi den Giro blots up den 18. Platz un muss sien Start bi de Tour de France ok afseggen.
2006–2007 2006 weer he nu alleenig Kapitän bi sien Rennstall, Gilberto Simoni harr den Radstell wesselt. Bi den Giro keem Cunego upl Platz 4 und bi de Tour de France up Platz 12. He weer aber de beste Nahwussfohrer un kreeg dorüm ok dat Witt Trikot.
1007 keem he sowohl bi den Giro as ok bi de Tour de Suisse jeweils up Platz 5. Bi de Vuelta a España keem he aber to Fall un harr mit den Gesamtsieg nichts mehr to doon. Ok bi de Weltmeesterschap in dat Johr leep nichts, wiel he Hülpdeensten för den olden und nee Weltmeester Paolo Bettini leisten muss, so dat he blots up Platz 50 keem. Stattdessen wunn he aber weer de Lombardei-Rundfohrt.
2008 2008 keem he bi Paris-Nizza up Platz 17 in, wunn denn dat Amstel Gold Race un keem bi den Walloonschen Piel up Platz 3. Up den Giro hett he affsehn, um an de Tour de France deeltonommen. Dor keem he aber ok to Fall un hett dat Rennen upgeven. Wegen sien Verletzung kunn he denn ok nich an de Olympisch Spelen in Peking deelnehmen. To’n Afsluss vun dat Johr wurr he Viezweltmeester achter Alessandro Ballan un kunn denn ok noch mal de Lombardei-Rundfohrt winnen.
2011 Dornah weer dat en paar Johr wat ruhiger, aber 2011 kunn he den Giro dell'Appennino winnen. Bi de Tour de Suisse wurr up de letzte Deelstreck (en Eenzeltietfohren) noch vun den US-Amerikaner Levi Leipheimer slahn, so dat he bit dit Etappenrennen den 2. Platz belegg.
Doping In’ April 2011 hett de Staatsanwaltschap vun Mantua ankünndigt, Cunego wegen Dopings antoklagen.Ballan und Cunego werden wegen Dopings angeklagt auf radsport-news.com, afroopen an’ 11. April 2011
2018 hett he sien Loopbahn afslooten.
Wat he schafft hett 1999 Junioren-Straaten-Weltmeester
2002 Giro d'Oro
2003 Gesamtwertung un een Deelstreck Tour of Qinghai Lake
2004 Giro del Trentino Giro dell’Appennino GP Industria & Artigianato Gesamtwertung un veer Deelstrecken Giro d’Italia GP Fred Mengoni GP Nobili Rubinetterie Giro di Lombardia2005 een Deelstreck Tour de Romandie GP Nobili Rubinetterie Trofeo Melinda Japan Cup
2006 Settimana Internazionale Giro d'Oro Giro del Trentino GP Industria & Artigianato Nahwusswertung Tour de France
2007 Gesamtwertung un twee Deelstrecken Giro del Trentino een Deelstreck Düütschland Tour Gran Premio Beghelli Giro di Lombardia2008 een Deelstreck Baskenland-Rundfohrt Klasika Primavera Amstel Gold Race Viezweltmeester in’t Straatenrennen Lombardei-Rundfohrt Japan Cup
2009 Gesamtwertung un twee Deelstrecken Settimana Internazionale twee Deelstrecken Vuelta a España
2011 een Deelstreck Giro di Sardegna Giro dell'Appennino een Deelstreck Tour de Romandie
Enkeld Nahwiesen
Weblenken
Offiziell Websteed (italieensch) Damiano Cunego in de Datenbank vun Radsportseiten.net
Kategorie:Radrennfohrer (Italien) Kategorie:Börger von Italien Kategorie:Mann Kategorie:Boren 1981