Luigi Ganna (* 1. Dezember 1883 in Induno Olona (VA), Italien; † 2. Oktober 1957 in Varese, Italien) weer en italieensch Radrennfohrer un de eerst Gesamtsieger vun den Giro d’Italia.
Werdegang Ganna fung sien Karriere as Berufs-Radfohrer in‘ Jahr 1904 an. Nahdem he eenig lüttgere Rennen winnen kunn, is he 1908 bi de Tour de France fohren un wurr an‘ Enn‘ Fievt. In dat Johr dorup, wunn he den hüüdigen Klassiker Mailand–Sanremo, ehe he wenig Weeken later to de 127 Startern vun den eerstmals utdragen Giro d’Italia tellen dee. Mit dree Deelstreckensiegen wunn he ok den Giro. 1910 wunn he woll weer dree Deelstrecken, wurr aber blots Tweet in de Gesamtwertung. 1912 wunn he weer de Gesamtwertung vun den Giro, aber disse Utgaav wurr blots as Teamwertung utdragen un Ganna hörr to de veer Fohrer vun de Winnermannschap Atala. 1915 hett he sien Karriere beend.
Ganna is an‘ 2. Oktober 1957 mit 73 Johren in Varese storven.
Wat he schafft hett 1906 Mailand-Piano dei Giovi-Mailand
1907 San Remo-Ventimiglia-San Remo
1909 Giro d’Italia + 4., 5. und 7. Deelstreck Mailand–Sanremo1910 6., 7. und 10. Deelstreck Giro d’Italia Giro dell’Emilia Mailand-Modena
1912 Giro d’Italia (gemeensam mit Carlo Galetti, Giovanni Michelotto un Eberardo Pavesi; blots as Teamwertung utdragen)
Weblenken Luigi Ganna in de Datenbank vun Radsportseiten.net Fohrerprofil bi museociclismo.it
Kategorie:Mann Kategorie:Börger von Italien Kategorie:Radrennfohrer (Italien) Kategorie:Boren 1883 Kategorie:Storven 1957