miniatur|300px|De Vuelta in Santander (2003) miniatur|300px|Vuelta a España 2004 in Saragossa Dat Radrennen Vuelta Ciclista a España, kört Vuelta a España (indüütscht: Spanien-Rundfahrt) is en vun de dree „Grands Tours“ (Groot Rundfohrten) in’ Radsport un nah de Tour de France un den Giro d’Italia dat wichtigst Etappenrennen vun de Welt. Van 2005 bit 2007 hörr dat Rennen to de UCI ProTour. Siet 2011 hörrt dat Rennen to de Nahfolgereeg UCI World Tour.
Utrichter Utricht wurrd de Vuelta vun de Firma Unipublic. Bit Juni 2008 hull de spaansch TV-Grupp Antena 3 de Gesamtheit vun de Andeelen an Unipublic. Siet dissen Tietpunkt hollt de franzöösch Vermarktungsfirma ASO, Utrichter vun de Tour de France un vun wieder renommeert Rennen, 49% vun de Andeelen.rad-net.de Druck auf die UCI wächst: ASO kauft sich bei Vuelta ein afroopen an‘ 6. Juni 2008 Historie To’n eersten Mal 1935 un siet 1955 jedes Johr utdragen, führt de Vuelta binnerhalv vun dree Week in wesselnd Streckenführung dwars dör Spanien un dör dat nah Utland. Nahdem de Spanien-Rundfahrt tonächst traditionell in’ Fröhjohr stattfunnen harr, wurr de Termin Midden vun de 1990er Johren up den September verleggt.
Mit je dree Gesamtsiegen bi de Vuelta deelen sück de Swiezer Radrennfohrer Tony Rominger (1992–1994) un de Spanier Roberto Heras (2000, 2003, 2004) und Alberto Contador (2008, 2012 und 2014) den Rekord. Dat in de düütsch Apenlichkeit bannig in’ Schadden vun de Tour de France stahnd Rennen kunnen bitlang dree Düütsch Fohrer winnen: Rudi Altig 1962, Rolf Wolfshohl 1965 un Jan Ullrich 1999. Marcel Wüst is mit 12 Siegen up Deelstrecken de spoodriekst düütsch Etappenjäger. Insgesamt aber domineeren de Spanier, de bitlang 28 vun de bither fohren 60 Rennen för sück entscheeden kunnen. De Swiezer Alex Zülle kunn as tweet Swiezer de Gesamtwertung 1996 un 1997 winnen, he hett todem de meest Daag in dat golden Trikot fohren.
Kurs De Kurs vun dat Rennen sett sück immer weer tosommen ut Flachetappen, de meestens för de Sprinter ideal sünd, middelswoor Deelstrecken, de good för Utrietergruppen sünd un de Hochgebirgsetappen, up de de Rundfohrt entscheedt wurrd. Buterdem gifft dat meestens noch zwee Eenzeltietfohren. Dat insgesamt bannig wellige Profil vun de Vuelta führ dorto, dat sück in sien Historie meest de stark Klimmer in de Gesamteenzelwertung dorsetten kunnen. Dat Ziel vun de Vuelta is traditionell de spaansche Hööftstadt Madrid.
1999 wurr eerstmals de Anstieg vun den Alto de Angliru in Asturien bewältigt, de mit sien besünners steil Rampen bit 24 Perzent as en vun de swoorsten Anstieg bi en Radrennen överhoopt gellt un sück intüschen to en Markenteken vun de Vuelta entwickelt hett.
Reglement De Führende vun de Gesamteezelwertung drocht en Golden Trikot – dat spaansch Pendant to dat Geel Trikot bi de Tour de France. Mit wiederen Trikots wurrd de best Bargfohrer (Orange Trikot) un de Führende in de Punktwertung (Gröön Trikot) geehrt. Anners as dat Gröön Trikot vun de Tour de France, dat meestens vun de Sprinters wunnen wurrd, hebbt ok anner Fohrertypen realistisch Chancen, dat Gröön Trikot vun de Vuelta to erringen.
En Besünnerheit vun de Vuelta is dat Witt Trikot, dat de Best vun de Kombinatschoonswertung drocht. In disse Wertung wurr de Summ vun de Platzeeren in de Gesamt-, Barg- un Punktwertung berücksichtigt.
Fröher geev dat ok noch en Sprintwertung, en Wertung för den besten Jungprofi un en Wertung mit de Naam "Sprints especiales".
Gesamtsieger un Wertungen Gesamtwertung miniatur|Dat golden Trikot De Führende in de Gesamtwertung vun de Vuelta kriggt as Utteknung en maillot color oro, dat Golden Trikot. De golden Farve hett dat eerst siet 1999, dorvör weer dat 44 Johr geel. En Utnahm weer hier dat Johr 1977, as dat Trikot root weer. Buterdem harr dat all de Farven orange (1935, 1936 un 1942) un witt (1941). 2010 kreeg dat weer de Farv root.
Punktewertung
miniatur|Da Punktetrikot, dat van 2004 bit 2006 dragen wurr Siet 2009 hett dat Trikot vun den Punktbesten de Farv gröön. Van 2007 bit 2008 kreeg de punktbest Fahrer dat root Trikot un van 2004 bit 2006 dat blau Trikot mit lütt geel Fischen verleht. Vörher weer dat Trikot root un witt, wiel dat Rennen vun en anner Ünnernehmen betallt wurr. Dat gröön Trikot kriggt de Fohrer, de de meest Punkte bi all Deelstrecken sammelt. Punkte wurrd bi Zielankünften un Tüschensprints vergeven.
Bi de Zielankünfte vun all Deelstrecken (ok Tietfohren) wurrd de Punkte för de best 15 Fohrer so verdeelt: 25, 20, 16, 14, 12, 10, 9, 8, 7, 6, 5, 4, 3, 2, 1 Punkte
Bi de Tüschensprints könnt de eerst dree Fohrer 6, 4 un 2 Punkte halen.
Während de Punktewertung bi de Tour de France speziell up Sprinter tosneeden is un de Winner vun en Flaketappe mehr Punkte Kriggt, as de Winner vun en Bargetappe, könnt bi de Vuelta ok anner Fohrertypen dat Punktetrikot winnen. Bi jeder Zielankunft, of bi en Bargetappe, en Flaketappe oder bi en Tietfohren, kriggt de Winner immer 25 Punkte. So geev dat 2003 bit to de letzt Deelstreck en Tweekamp tüschen den Sprinter Erik Zabel un den Bargspezialisten Alejandro Valverde. Zabel kunn dat Trikot an’ Enn denn doch winnen.
Rekordwinner vun dit Trikot sünd Sean Kelly un Laurent Jalabert, de dat Trikot je veer Mal winnen kunnen, Jalabert sogor veer Mal nahnanner. Eerst düütsch Winner weer Rudi Altig 1962. Dietrich Thurau wunn 1976 un Uwe Raab hett dat Trikot 1990 un 1991 wunnen. Erik Zabel is de düütsch Rekordgewinner vun de Punktewertung vun de Vuelta. Van 2002 bit 2004 kunn Zabel sück dat Trikot dree Mal in Folg halen.
Bargwertung miniatur|Dat Trikot vun den Führenden in de Bargwertung Dat Trikot vun den besten Klimmer weer bi de Vuelta 2005 root, van 2006 bit 2009 wurr en orangefarven Trikot an den besten Klimmer sietdem en witt mit blau Punkten överreicht. De Führende in de Bargwertung kriggt dat nah jeder Deelstreck verleeht. Punkte kriggt man de Bargwertungen,de up Tippen vun Bargen, aber ok up den hööchsten Punkt vun en Hügel ween könnt. Je nah Längt vun den Anstieg un wu hooch de Anstieg is gifft dat ünnerscheedlich völ Punkte. Bi de Vuelta wurrd de Anstieg in veer Kategorien ünnerdeelt: 3.Kategorie: 6, 4, 2 un 1 Punkte för de eerst veer Fohrer 2.Kategorie: 10, 7, 5, 3, 2 un 1 Punkte för de eersten söss Fohrer 1.Kategorie: 16, 12, 10, 8, 6, 4, 3, 2 un 1 Punkte för de eersten negen Fohrer Kategorie "Especial": 30, 25, 20, 16, 12, 10, 8, 6, 4, 3, 2 un 1 Punkte för de eersten twalf Fohrer.
Van 1997 bit 2001 kunn José María Jiménez dat Bargtrikot veer Mal winnen. Jiménez is 2003 nah Depressionen in en psychiatrischen Klinik an Hartverseggen storven, gellt aber noch bit hüüd upgrund vun sien Klimmerkünsten as en vun de populärsten spaanschen Fohrer.
Kombinatschoonswertung miniatur|Dat Trikot vun den Führenden vun de Kombinatschoonswertung Dat Trikot vun den Führenden vun de Kombinatschoonswertung weer 2005 gold un gröön, vörher geev dat en witt Trikot, as ok af 2006. De Wertung gevv dat 1986 to’n eersten Mal un wurr nah de Vuelta 1993 instellt. Siet 2002 gifft dat de Wertung weer. Führender is de, de wenigsten Punkte in disse Wertung hett. Dat Klassement sett sück ztosommen ut de Punktewertung, dat Gesamtklassement un de Bargwertung tosommen. Dorbi rekent man de Platzeeren in de dree Wertungen in Punkte um. So kriggt man för den eersten Platz in en vun de Wertungen een Punkt, för en tweeten Platz 2 Punkte usw. As Bispeel kann man de Ergevnisse vun Denis Menschow ut sien Winner-Johr 2005 nehmen. He weer Dart in de Bargwertung (3 Punkte), Tweet in de Punktewertung (2 Punkte) un Eerst in de Gesamtwertung (1 Punkt). In de Additschoon keem he so up 6 Punkte un harr somit ok de Kombinationswertung wunnen.
Sietdem man de Wertung weer inführt hett, kunn Roberto Heras de Wertung tweemal winnen (2002 un 2004). Ok 2005 harr he wunnen, aber nahdem he positiv up EPO test wurrn weer, hett man in disse Wertung Denis Menschow to’n Sieger verklort.
Rekordsieger sünd Roberto Heras, Federico Echave un Sean Kelly, de de Wertung je tweemal winnen kunnen.
Rekorde Meest Gesamtsiege: Roberto Heras un Primož Roglič 4 Meest Etappensiege: Delio Rodríguez 39 Meest Etappensiege bi een Vuelta: Freddy Maertens 13 Meest Daag in’t Führungstrikot: Alex Zülle 45 Meest Siege in de Punktewertung: Sean Kelly un Laurent Jalabert je 4 Meest Siege in de Bargwertung: José Luis Laguía 5 Gröttste Differenz tüschen den Sieger un den Tweeten: 30 Minüüt un 8 Sekunn (1945) Minnste Differenz tüschen de Sieger un den Tweeten: 6 Sekunn (1984)
Deelstrecken in Düütschland
2009 keem de Vuelta up de darte Deelstreck bi Emmerich eerstmals up düütsch Rebeet.
Siegerlist 2024 20px|Slowenien Primož Roglič 2023 20px|USA Sepp Kuss 2022 20px|Belgien Remco Evenepoel 2021 20px|Slowenien Primož Roglič 2020 20px|Slowenien Primož Roglič 2019 20px|Slowenien Primož Roglič 2018 20px|Grootbritannien Simon Yates 2017 20px|Grootbritannien Christopher Froome 2016 20px|Kolumbien Nairo Quintana 2015 20px|Italien Fabio Aru 2014 20px|Spanien Alberto Contador 2013 20px|USA Christopher Horner 2012 20px|Spanien Alberto Contador 2011 20px|Spanien Juan José Cobo 2010 20px|Italien Vincenzo Nibali 2009 20px|Spanien Alejandro Valverde 2008 20px|Spanien Alberto Contador 2007 20px|Russland Denis Menschow 2006 20px|Kasachstan Alexander Winokurow 2005 20px|Russland Denis Menschow* 2004 20px|Spanien Roberto Heras 2003 20px|Spanien Roberto Heras 2002 20px|Spanien Aitor González Jiménez 2001 20px|Spanien Ángel Casero 2000 20px|Spanien Roberto Heras 1999 20px|Düütschland Jan Ullrich 1998 20px|Spanien Abraham Olano 1997 20px|Swiez Alex Zülle 1996 20px|Swiez Alex Zülle 1995 20px|Frankriek Laurent Jalabert 1994 20px|Swiez Tony Rominger 1993 20px|Swiez Tony Rominger 1992 20px|Swiez Tony Rominger 1991 20px|Spanien Melchor Mauri 1990 20px|Italien Marco Giovannetti 1989 20px|Spanien Pedro Delgado 1988 20px|Irland Sean Kelly 1987 20px|Kolumbien Luis Herrera 1986 20px|Spanien Álvaro Pino 1985 20px|Spanien Pedro Delgado 1984 20px|Frankriek Éric Caritoux 1983 20px|Frankriek Bernard Hinault 1982 20px|Spanien Marino Lejaretta 1981 20px|Italien Giovanni Battaglin 1980 20px|Spanien Faustino Rupérez 1979 20px|Nedderlannen Joop Zoetemelk 1978 20px|Frankriek Bernard Hinault 1977 20px|Belgien Freddy Maertens 1976 20px|Spanien José Pesarrodona 1975 20px|Spanien Agustín Tamames 1974 20px|Spanien José Manuel Fuente 1973 20px|Belgien Eddy Merckx 1972 20px|Spanien José Manuel Fuente 1971 20px|Belgien Ferdinand Bracke 1970 20px|Spanien Luis Ocaña Pernía 1969 20px|Frankriek Roger Pingeon 1968 20px|Italien Felice Gimondi 1967 20px|Nedderlannen Jan Janssen 1966 20px|Spanien Francisco Gabica 1965 20px|Düütschland Rolf Wolfshohl 1964 20px|Frankriek Raymond Poulidor 1963 20px|Frankriek Jacques Anquetil 1962 20px|Düütschland Rudi Altig 1961 20px|Spanien Antonio Soler 1960 20px|Belgien Frans De Mulder 1959 20px|Spanien Antonio Suárez 1958 20px|Frankriek Jean Stablinski 1957 20px|Spanien Jesus Loroño 1956 20px|Italien Angelo Conterno 1955 20px|Frankriek Jean Dotto 1951-1954 nich utdragen 1950 20px|Spanien Emilio Rodríguez 1949 nich utdragen 1948 20px|Spanien Bernardo Ruiz 1947 20px|Belgien Edward Van Dijck 1946 20px|Spanien Dalmacio Langarica 1945 20px|Spanien Delio Rodríguez 1943-1944 nich utdragen Tweete Weltkrieg 1942 20px|Spanien Julián Berrendero 1941 20px|Spanien Julián Berrendero 1937-1940 nich utdragen wegen Spaansch Börgerkrieg 1936 20px|Belgien Gustaaf Deloor 1935 20px|Belgien Gustaaf Deloor
* Roberto Heras wurr nah en positiven Dopingbefund bi de Vuelta 2005 de Sieg nahderhenn aferkannt
Weblenken Offizielle Website der Vuelta (spaansch, engelsch franzöösch)
Enkeld Nahwiesen
Kategorie:Radrennen Kategorie:Spanien