James Robertson Justice (* 15. Juni 1907 in Lewisham, Kent as James Harold Norval Robertson-Justice; † 2. Juli 1975 in Romsey, Hampshire) weer en britischen Ornitholoog un Schauspeler.
Leven un Loopbahn Robertson-Justice hett in sien Leven mehrere Beropen un Passchoonen utöövt. Internatschonale Bekanntheit hett em sünners sien Schaupeleree inbröcht, ofschoonst he den Beroop nienich lehrt hett un em disse Beroop dör’n Tofall tokamen is.
Faken warrt Wigtown in Schottland as sien Geboortsoort angeven, man wohrhaftig is de patriootsche Schotte in de Graffschop Kent boren worrn. He weer mit Spraken goot veranlaagt un künn teihn Spraken snacken. Na sien Afsluss an’t beropene Marlborough College hett Robertson-Justice en Studium an de Universität vun Bonn anfungen, woneem he sien Dokter in Philosophie maakt hett. De Tiet dorna hett he för de Narichtenagentur Reuters arbeit. In’n Spaanschen Börgerkrieg hett he as övertügten Sozialist op de Siet vun de spaanschen Regeeren gegen General Franco kämpt. As de Tweete Weltkrieg losgüng, hett he sik freewillig to de Royal Navy mellt.
Filmloopbahn Na’t Aflopen vun sien Militärdeenst 1943 hett Robertson-Justice verschedene Arbeiten övernahmen un harr so ok lüttere Rullen bi Opföhren vun’t Players Theatre in London. Dor hett em de Filmspeelbaas Harry Wyatt opdeckt un bood 1944 em en Rull an in de Kummedie Fiddlers Three. Sien Dörbrook as Schauspeler keem veer Johren later in de Kummedie Vice Versa vun den noch jungen Peter Ustinov. Sien Loopbahn hett sik vun doran spoodriek maakt. He weer in ünnerscheedliche Genres to sehn: Deelweis speel he in histoorsche Aventüerfilmen as t. B. Scott of the Antarctic, Christopher Columbus oder Captain Horatio Hornblower R.N. Jüst so weer he in Literaturverfilmen, Bibel-, Historien-, Horror- oder ok Leevfilmen to sehn. Faken hett he grummelige Aristokraten speelt oder Vertreders vun Recht un Ornen. He sülvst hett eenmol ahn Spood as Afordenten för de Labour Party kandideert hatt.
Sünners populär worrn is Robertson-Justice dör sien Rullen in Kummedien. So speel he 1954 in de Krankenhuus-Kummedie Doctor in the House den brummeligen Chirurgen Sir Lancelot Spratt. De Film harr so veel Spood, dat bit 1970 noch söss wietere Filmen ut disse Reeg kommen schülln, wobi he tomeist as Baasdokter Spratt optreden de. 1961 weer he butendem in den Miss-Marple-Film Murder She Said to sehn – ok wedder in de Rull vun den wunnerlichen Gentleman, de ünner sien rugen Schaal aver doch en weken Karn hett.
Robertson-Justice hett butendem ok in en poor düütsche Filmen mitspeelt, as to’n Bispeel in die Botschafterin, Lange Beine – lange Finger oder Das Feuerschiff.
Vagelkunn Blangen sien Arbeit as Schauspeler hett James Robertson-Justice sik bannig vör Vagels intresseert. De Ornithologie harr em dat andoon. So weer he een vun de Liddmaten, de den Wildfowl Trust grünnt hebbt, un entwickel 1948 en Methood to’n Infangen vun Wildanten mit Help vun en Nett mit Raketenandrief. Ünner annern hett he ok Prince Charles in de Kunst vun de Falkenjagd inwiest.
He hett mehrere Opsätz to Themen ut de Ornithologie, ut de Weertschop un ut de Konversatschoon publizeert. Bito weer he twee Amtsperioden lang Rekter vun de University of Edinburgh, vun de he 1960 den Ehrendokter verleht kreeg.
Privatleven De Vagelkunnler un Schauspeler weer tweemol verheiraat. Sien eerste Eh weer mit en Fro ut Wales un weer later scheedt. In’t Johr 1961 hett he de baltendüütsche Schauspelersche Irene von Meyendorff drapen, de he denn heiraat hett. In sien letzten Johren harr he jümmer mehr mit Geldnööt un gesundheitliche Lasten to doon. He harr en Reeg vun Slaganfäll dörleden, vun de he nie wedder so recht op de Been kamen is. Sien Fro hett em de letzten Johren pleegt, bit he wenige Daag na sien 68. Geboortsdag doodbleven is.
Filmografie (Utwahl) Johr Titel Synchroonsnacker 1944 Fiddlers Three 1948 Vice Versa 1948 My Brother Jonathandt.: Mein Bruder Jonathan 1948 Quartetdt.: Quartett 1948 Scott of the Antarcticdt.: Scotts letzte Fahrt Carl Wery 1949 Christopher Columbusdt.: Christoph Columbus Carl Wery 1949 Poet’s Pub 1950 Prelude to Famedt.: Das Wunder von San Marino Wolf Martini 1951 Blackmaileddt.: Erpressung 1951 Captain Horatio Hornblower R.N.dt.: Des Königs Admiral Gert Tellkampf 1951 Anne of the Indiesdt.: Die Piratenkönigin Bum Krüger 1951 The Lady Says No 1952 The Story of Robin Hood and His Merrie Mendt.: Robin Hood und seine tollkühnen Gesellen Wolf Martini (Kino)Hans W. Hamacher (ARD, 1982) 1952 Miss Robin Hood 1953 The Sword and the Rosedt.: Eine Prinzessin verliebt sich Eduard Wandrey 1953 Rob Roy: The Highland Roguedt.: Der königliche Rebell Eduard Wandrey 1954 Doctor in the Housedt.: Aber, Herr Doktor Carl Voscherau 1955 Above Us the Wavesdt.: Submarine - U-Boote greifen an 1955 Land of the Pharaohsdt.: Land der Pharaonen Bum Krüger 1955 Doctor at Seadt.: Doktor Ahoi! Carl Voscherau 1955 An Alligator Named Daisydt.: Ein Alligator namens Daisy Horst Lampe 1955 Storm Over the Niledt.: Sturm über dem Nil Carl Voscherau 1956 Moby Dick 1956 The Iron Petticoatdt.: Der eiserne Unterrock Wolfgang Eichberger (1. Synchro) 1957 Doctor at Largedt.: Hilfe, der Doktor kommt! Carl Voscherau 1958 Orders to Killdt.: Der lautlose Krieg Karl Georg Saebisch 1960 Doctor in Lovedt.: Dreimal Liebe täglich Carl Voscherau 1960 A French Mistressdt.: Das französische Fräulein Walther Suessenguth 1960 Die Botschafterin 1961 Murder She Saiddt.: 16 Uhr 50 ab Paddington Paul Wagner 1961 The Guns of Navaronedt.: Die Kanonen von Navarone Eduard WandreyWilhelm Borchert (Verteller) 1961 Raising the Winddt.: Quintett mit Harfe und Trompete Tilo Schmitz 1963 The Fast Ladydt.: O Darling – was für ein Verkehr 1963 Das Feuerschiff 1963 Mystery Submarinedt.: Die letzte Fahrt von U 153 Robert Klupp 1963 Doctor in Distressdt.: Doktor in Nöten Günter Grabbert 1964 Father Came Too!dt.: Ach, du lieber Vater 1964 Those Magnificent Men in Their Flying Machinesdt.: Die tollkühnen Männer in ihren fliegenden Kisten Friedrich Schoenfelder 1965 The Face of Fu Manchudt.: Ich, Dr. Fu Man Chu Erik Jelde 1966 Lange Beine – lange Finger Erik Jelde 1968 Mayerling Erik Jelde 1968 Chitty Chitty Bang Bangdt.: Tschitti Tschitti Bäng Bäng Alexander Welbat 1970 Doctor in Troubledt.: Ein blinder Passagier hat’s schwer' 1973 Zeta One
Weblenken
James Robertson-Justice Fansiet vun James Hogg
Kategorie:Schauspeler Kategorie:Ornitholoog Kategorie:Börger von Grootbritannien Kategorie:Mann Kategorie:Boren 1907 Kategorie:Storven 1975