Wittenfell () is en lütten Oord in de Gemeen Harsfeld, Samtgemeen Harsfeld, in’n Landkreis Stood, Neddersassen.
Geografie
De Oort liggt op de Stoder Geest. Dat Water ut dat Rebeed flütt över’n Steenbeek af. In’n Noorden liggt dat Naturschuulrebeed Steenbeek.
De Naveröörd sünd Ruschwedel in’n Noordoosten, Obbens in’n Oosten, Kommerbusch-Remnoh in’n Süden, Griemshorst in’n Süüdoosten un Harsfeld in’n Noordwesten.
Historie
Bi Wittenfell is en olen Backaven ut de La-Tène-Tied oder fröhe röömsche Kaisertied funnen worrn. In’n Aven hebbt se ok noch ole Wetenköörn funnen.
Dat Gewarvrebeed von Harsfeld is na Wittenfell nöömt.
Inwahnertall
Religion
Wittenfell is evangeelsch-luthersch präägt un höört to dat Kaspel von de Marien- un Bartholomäus-Kark in Harsfeld.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Weertschop un Infrastruktur
För Wittenfell is de Freewillige Füürwehr Harsfeld mit tostännig.
Verkehr
Von Wittenfell gaht lüttjere Straten na Harsfeld, Ruschwedel un Griemshorst.
De nächste Autobahn is de Autobahn 26 (Afsnidd Stood–Hamborg). De Opfohrt 5 Hornborg liggt so ölven Kilometer in’n Noordoosten von Wittenfell an de K 36.
De nächste Bahnhoff is so bi dree Kilometer wied weg in’n Noordwesten de Bahnhoff Harsfeld an de Bahnlien Bremerhoben–Buxthu.
Footnoten
Kategorie:Oort Kategorie:Landkreis Stood