Hagen is en Dörp in de Gemeen Stood in’n Landkreis Stood, Neddersassen. Binnen de Gemeen Stood billt dat en Oortschop mit egen Oortsraad un Oortsbörgermeester.

To dat Dörp höört ok de Hagener Möhl mit bi.

Geografie

Dat Dörp liggt annerthalv Kilometer von de Swing af. Direkt an dat Dörp langs löppt de Steenbeek, de in’n Westen von dat Dörp in de Swing münnt.

De Naveröörd sünd Stood mit Lütt un Groot Thun, Barg un Riensföör in’n Noorden, Ottenbeek in’n Noordwesten, Gothenborg in’n Oosten, Steenbeek in’n Süüdoosten, Helmst, de Feldkroog un Deinst in’n Süden, Freenbeek un Hagel in’n Süüdwesten, de Hagener Möhl un Swing in’n Westen un Wiepenkathen in’n Noordwesten.

Historie

Hagen kummt 1130 toeerst in de Oorkunnen vör.

In’n Eersten Weltkrieg sünd 13 Soldaten ut Hagen fullen oder vermisst un in’n Tweten 25.Onlineprojekt Gefallenendenkmäler

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hagen in’n Kanton Hornborg höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Stood in’n Kanton Stood.

De Oort hett vör 1846 to dat Amt Harsfeld tohöört un is to’n 1. Januar 1847 in dat Amt Stood-Gothenborg wesselt.Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 157 1859 is dat Amt Stood-Gothenborg oplööst un Deel von dat Amt Himmelpoorten worrn. Na 1885 weer Hagen in’n Kreis Stood, de 1932 mit de Kreise Jörk un Keden to’n ne’en Kreis Stood tohoopgahn is.

Mit de Gemeenreform in Neddersassen to’n 1. Juli 1972 is Hagen en Deel von de Gemeen Stood worrn.

Inwahnertall

Wapen

De Schild von dat Wapen is mit en Wellenlien deelt, baven witt un ünnen blau. Dor op is en Waterrad, dat in’n Deel baven rood un ünnen gollen is.

Religion

Hagen is evangeelsch-luthersch präägt un höört bi dat Kaspel von de Johannis-Kark in Stood. Bevör de Johannis-Kark 1956 trech worrn is, hett de Oort to dat Kaspel von de Wilhadi-Kark in de Binnenstadt von Stood höört.

För de Kathoolschen is de Hillig-Geist-Kark in Stood tostännig.

Dat Dörp hett en egen Karkhoff an de Straat Na’e Möhl. Op’n Karkhoff steiht ok en Kapell.

Politik

Oortsraad

Hagen hett en egen Oortsraad binnen de Gemeen Stood. De Oortsraad hett 11 Maten.

Liddmaten 2016: CDU: Heidi Bahr, Inge Bardenhagen, Florian Dankert, Rüdiger Langfeldt SPD: Bernhard Augustin, Hans Blank, Martina Bredendiek, Sivia Metz Gröne: Hans Nehring WG: Klaus Pehmöller († 25. Februar 2017, för em is an’n 14. März 2017 Stefan Thielker narückt), Günter Schmidt

Oortsbörgermeester

Tied Oortsbörgermeester –31. Oktober 2006 Hans Blank (SPD) 1. November 2006–31. Oktober 2011 Inge Bardenhagen (CDU) 1. November 2011–31. Oktober 2016 Hans Blank (SPD) 1. November 2016– Inge Bardenhagen (CDU)

Kultur

En Denkmaal för de Fullenen ut de twee Weltkrieg’ steiht bi de Kapell an’n Karkhoff.

In Hagen warrt jümmer an’n eersten Advent Wiehnachtsmarkt fiert.

Verenen

De Freewillige Füürwehr Hagen is 1934 grünnt worrn.

Weertschop un Infrastruktur

De Filiaal von de Spoor- un Kreditbank Hammoh in Hagen hett 1981 apenmaakt.

Verkehr

In’n Oosten an Hagen langs löppt de Landsstraat 124, de in’n Noorden na Stood an de Bundsstraat 73 ran geiht un in’n Süden na Harsfeld. En lüttjere Straat geiht in’n Süüdwesten noch na Freenbeek an de Kreisstraat 1.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Oost liggt so söss Kilometer in’n Noordoosten von Stood an de B 73.

Dat Dörp hett ok en Bahnhoff an de Bahnlien Stood–Bremervöör.

Scholen

Hagen hett en Kinnergoorn un en Grundschool. För de högeren Scholen mööt de Schölers na Stood.

Lüüd

De Schriever Frank Schulz is 1957 in Hagen boren.

Literatur

Chronik 875 Jahre Hagen.

Footnoten

Weblenken

Websteed von’n Oort (hoochdüütsch)

Kategorie:Oort Kategorie:Landkreis Stood