Maria Hellwig (borene Neumeier; * 22. Februar 1920 in Reit im Winkl; † 26. November 2010 in Ruhpolding) weer en düütsche Singersche vun volksdömliche Musik, Moderatersche un Ünnerhollenskünstlersche. Se gell as de Verkörpern vun de düütschen volksdömlichen Musik slechthen vun wegen ehr Leder un ehr Kledaasch – tomeist is se in en Dirndl optreden.
Leven duum|hochkant|Maria un Margot Hellwig in’n Europapark Rust, 2007 Maria Hellwig weer as Dochter vun den Elektriker Heinrich Neumeier un sien Fro Maria boren. In’t Öller vun fief Johren hett se to’n eersten mol op de Bühne vun’t Buerntheater vun ehrn Heimatoort stahn. Na ehr Schooltiet hett se en Lehr as Verköpersche maakt, speel aver in ehr Freetiet Theater un hett ok Singünnerricht nahmen. Op de Bühne hett se ok ehrn eersten Ehmann Joseph Fischer drapen, de in’n tweeten Weltkrieg fallen is. Ut disse Eh stammt ehr Dochter Margot (* 1941), mit de se siet 1963 tomeist as Duo Maria un Margot Hellwig optreden is.
Vun 1948 bit to sien Dood 1996 weer se in tweete Eh mit Addi Hellwig verheiraat. 1948 weer se ok bi de Hamborger Volksoper anstellt, woneem se mehrere Rullen speelt hett, to’n Bispeel as Mi in de Operett Das Land des Lächelns. Mit ehrn Mann hett se dorna en Wannerthetaer grünnt, mit dat se eenige Johren ünnerwegens weer. Se weer denn vun Franzl Lang opdeckt un süng an’n Münchener Platzl. 1957 künn se ehr eerste Schallplaat opnehmen. Dorna kemen de eersten Engagements bi Rundfunk un Feernsehn, wodör se denn allgemeen bekannter worrn is.
In Reit im Winkel hett se 1964 tosamen mit ehrn Mann dat Restaurant-Café Zum Kuhstall apenmaakt, dat wohrhaftig in en ollen Kohstall ünnerbröcht weer. Anfang vun de 1970er Johrenhett se veer Folgen vun de Sendung Musik macht Laune modereert un kreeg dorna af 1973 ehr egene Sennenreeg Die Musik kommt, de an’n 6. Oktober to’n eersten mol utstrahlt worrn is. Mit de Reeg is se düütschlandwiet bekannt worrn. To Anfang weern blots en poor Folgen plaant, man se harr dormit so veel Spood, dat de Reeg opletzt teihn Johren lang produzeert weer. Bito hett se wietere Sennen in’t ZDF modereert, as Die Fahrt ins Blaue oder Früh übt sich. Vun 1984 bit 1991 hett se mit ehr Dochter Margot bi RTL de Sennen Heimatmelodie modereert, folgt vun Servus, Grüezi und Hallo bit 1993.
In’t Johr 1986 hett se mit ehr Dochter mit den Titel Der Kaiser von Tirol för Düütschland an’n Grand Prix vun de Volksmusik 1986 deelnahmen. Nipp un nau twintig Johren later weern de beiden noch en tweet mol bi den Wettstriet mit dorbi.
Mit tallrieke Tourneen weer Maria Hellwig in meist all Eerddeelen ünnerwegens.Vita Maria Hellwig Nord-Ostsee-Magazine Toletzt weern Maria un Margot Hellwig bit Mai 2008 mit dat Frühlingsfest der Volksmusik op grote Tournee.Maria Hellwig wird 87 Jahre Schlager-Volksmusik-Portal 2007
As ehr Ehmann doodbleven weer, hett se dat Restaurant-Café an ehrn Kollegen Thomas Berger afgeven. Bit to ehrn Dood weer se noch regelmatig aktiv un in verscheden Feernsehsennen to sehn.
Ehrungen In’n Verloop vun ehr Loopbahn hett sik Maria Hellwig mehrere goldene Schallplaten verdeent.. Se is butendem mit de Hermann-Löns-Medaille in Bronze, Sülver, Gold un Platin uttekent worrn, mit den Grönen Löwen vun RTL, mit dat Edelweiß (1992) un mit den Bambi. 1993 hett se vun ehr Heimatgemeen Reit im Winkl den Golden Ehrenring verleht kregen. För ehr Levenswark is se 1998 mit de Kroon vun de Volksmusik ehrt worrn.
In Suhl is se an’n 20.Dezember 2009 bi de Sendung Es ist so schön ein Musikant zu sein – Die Herbert-Roth-Gala vun’n MDR mit den „Herbert-Roth-Traditschoonspries“ för ehr Levenswark uttektn worrn.Nicki bringt Preis nach Sohland! Alles Lausitz vun’n 23. Dezember 2009 An’n 9. Januar 2010 kreeg se nochmol en Kroon vun de Volksmusik för ehr Levenswark.Maria Hellwig erhält Krone der Volksmusik für ihr Lebenswerk Schlagerportal vun’n 9. Januar 2010
Spoodrieke Titels 1957: Die Nachtigall vom Zillertal 1958: Erzherzog-Johann-Jodler 1959: Der Geburtstagsjodler 1963: Der Feierabendjodler 1965: Karwendellied 1967: A Jodler zum Juchzn 1970: Ferienpolka 1973: Auf geht’s Leut – die Musik kommt 1974: Jung muss man bleib’n, wenn man älter wird 1974: Das Kufsteiner Lied 1975: Das Alphorn ruft vom Berge 1977: Das Edelweiß vom Wendelstein 1977: O du mein Edelweiß 1977: Servus, Grüezi und Hallo 1977: Mei is dees a schöner Tag 1978: Die Musikanten sind wieder da (mit Freddy Breck) 1978: Fahrt ins Blaue 1982: Musik ist unser Leben (mit Heino) 1986: Der Kaiser von Tirol 1987: Lieder, die von Herzen kommen 1987: Lustige Musikanten unterwegs 1989: Immer wieder sind es Lieder 1995: Hallo, wie geht’s (mit Duo Treibsand) 1995: Solang der Herrgott uns Gesundheit schenkt 1997: Wenn’st niemand mehr zum Reden hast 1998: Auch der Herbst hat noch viele schöne Tage (mit Heinz Schenk) 2000: Das Leben ist ein Gottesg’schenk 2005: Wir waren alle einmal Kinder 2006: Unser tägliches Brot ist Musik
(Deelwies tohopen mit ehr Dochter Margot)
Diskografie (Utwahl) 2005: Maria Hellwig – Zum 85. Geburtstag Die Legende der Volksmusik (Bogner Records) 2003: Das Leben ist ein Lied – Das Beste aus 40 Jahren (Rubin Records) 2006: Das fröhliche Kleeblatt der Volksmusik – Das Beste der Tournee (Rubin Records) 2007: Weihnachten bei uns daheim (Rubin Records) 2008: Von ganzem Herzen (Rubin Records) 2008: Servus, Gruezi und Hallo – Das große Starportrait (Readers Digest) 2009: Wir lieben das Leben (Rubin Records) 2010: Lieder meines Lebens – Das Beste von Maria Hellwig zum 90. Geburtstag der Königin der Volksmusik (EMI Music) Alt und jung gehören zusammen Unsere goldenen Zeiten Winterzauber (Rubin Records)
Maria un Margot Hellwig hebbt tohopen mehr as 180 Musikalbums rutbröcht.
Weblenken Literatur vun un över Maria Hellwig in’n Kataloog vun de Düütschen Natschonalbökeree Maria un Margot Hellwig Offizielle Websteed
Borns
Kategorie:Singer Kategorie:Volksdömliche Musik Kategorie:Slager Kategorie:Fru Kategorie:Boren 1920 Kategorie:Storven 2010 Kategorie:Börger von Düütschland