Armin Rohde

duum|Armin Rohde, 2016 Armin Rohde (* 4. April 1955 in Gladbeck; an sik Armin Kurt Rohde-Baron von Schilling) is en düütschen Schauspeler.

Biografie Rohde is de öllste vun veer Söhnen vun den Bargmann Kurt Rohde un en Fabrikarbeitersche. Üm dat eenmol beter hebben to künnen, hebbt sien Öllern em op dat Gymnasium schickt. De Familie leev in Wupperdaal, woneem he mit 19 en opföhren vun en Danstheater-Stück vun Pina Bausch sehn hett. Dat hett sien Intresse an’t Theater waak maakt., Focus, 1999, Nr. 46, Interview„Ich wär' gern kalt, leise und gefährlich“, Frankfurter Allgemeine Sonntagszeitung, 24. April 2005, Nr. 16, S. 61, Interview He hett denn en Utbilln to’n Schauspeler an de Folkwang School in Essen un an de Clown-School vun Pierre Byland maakt. Vun 1984 an hett he denn an verschedene Theaters in Builefeld un Bochum arbeit. Eerste Rullen speel he in de Dreigroschenoper vun Bertolt Brecht, Sophokles oder En attendant Godot vun Samuel Beckett.

In’t Johr 1991 weer he een vun de Gegenspelers in den letzten Tatort mit den Kommissar Schimanski (speelt vun Götz George). In’t Johr dorop har he en lütte Rull in den Film Schtonk!. Dat glieke Johr keem sien Dörbrook in’n Film mit den Film Kleine Haie vun Sönke Wortmann. Siet sien Rull as de Sportwagenfohrer „Bierchen“ in dissen Film gellt Rohde as de Idealbesetten för’n sympathischen Prolet. In de Johren dorna hett he sik mit Filmen as Der bewegte Mann, Das Superweib, Das Leben ist eine Baustelle oder Lola rennt in de Harten vun de Tokiekers speelt un tellt nu to de Schauspeler, de an leefsten sehn warrt.

1996 weer he in de Rull vun en Feernfohrer as Nafolger vun Manfred Krug in de Neeoplaag vun de Feernsehreg Auf Achse to sehn, mit de he aver keen Spood harr. Siet 2003 speelt Rohde den Kommissar Erichsen un dormit een vun de Hööftfiguren in de ZDF-Krimireeg Nachtschicht. 2009 is in’n Rowohlt-verlag en Autobiografie ünner den Titel Größenwahn und Lampenfieber vun em rutkamen.

Rohde is siet 1995 mit Angela Freifrau von Schilling ut dat baltische Adelsgeslecht von Schilling verheiraat. Ich kann alles, nur nichts Elegantes VIP LOUNGE BIKERTREFFEN IN HAMBURG: "Seit ¸Easy Rider` liebe ich Harleys!. Sien dree Johr jüngeren Broder Uwe Rohde is ok Schauspeler.

Armin Rohde bekennt sik to’n Buddhismus un driggt den buddhistischen Naam Karma Geleg Palsang.„Ich fügte mir Stammesnarben zu“, Tagesspiegel vun’n 10. Januar 2010

Filmografie (Utwahl) Johr Titel 1984 Kassensturz 1992 Kleine Haie 1994 Der bewegte Mann 1995 Babyfon – Mörder im Kinderzimmer, Feernsehn 1995 Mit verbundenen Augen, Feernsehn 1996 Gefährliche Freundin, Feernsehn 1997 Das Hochzeitsgeschenk, Feernsehn 1997 Rossini, oder die mörderische Frage, wer mit wem schlief 1997 Das Leben ist eine Baustelle. 1998 Der Campus 1998 Lola rennt 1999 St. Pauli Nacht 2000 Marlene 2000 Blondine sucht Millionär fürs Leben, Feernsehn 2001 Taking Sides – Der Fall Furtwängler 2001 Das Sams 2001 Liebe. Macht. Blind., Feernsehn 2002 Am Ende des Tunnels, Feernsehn 2002 666 – Traue keinem, mit dem Du schläfst! 2002 Dienstreise – Was für eine Nacht, Feernsehn 2003 Das Wunder von Lengede, Feernsehn 2003 Sams in Gefahr 2005 Das Gespenst von Canterville, Feernsehn 2005 Die Bluthochzeit 2005 A Sound of Thunder 2006 Der Räuber Hotzenplotz 2007 Herr Bello 2007 Keinohrhasen 2008 Up! Up! To the Sky 2009 Alter und Schönheit 2009 Unter Bauern 2009 Vulkan, Feernsehn 2010 Teufelskicker 2011 Kein Sex ist auch keine Lösung 2012 Sams im Glück 2012 Ausgerechnet Sibirien 2013 Ein Schnitzel für alle, Feernsehn 2014 Das Lächeln der Frauen, Feernsehn 2015 Winnetous Sohn 1991-2015 Tatort, Feernsehfolgen 2016 Ein gefährliches Angebot, Feernsehn 2017 Schnitzel geht immer, Feernsehn 2017 Der gute Bulle, Feernsehn 2003-18 Nachtschicht, Feernsehreeg 2018 Schnitzel XXL, Feernsehreeg

Utteken Armin Rohde is al sössmol för internatschonal achte Filmpriesen vörslahn worrn un hett dorvun veer Priesen wunnen: 2000: de Goldene Kamera in de Kategorie Charakterdorsteller 2003: den Jupiter in de Kategorie Best düütsche Dorsteller för 666 – Traue keinem, mit dem du schläfst! 2003: den Bambi in de Kategorie Feernsehbegeevnis vun’t Johr för Das Wunder von Lengede 2004: den Adolf-Grimme-Pries in de Kategorie Fikschoon/Ünnerhollen för Dienstreise – Was für eine Nacht

Literatur Tobias Haucke un Timo Rieg (Rgv.): Bochumer Bekannte 2. biblioviel Verlag, Bochum 2003. ISBN 3-928781-82-0. (Andrea Donat, Armin Rohde un 9 annere Bochumer in’n Porträt.)

Armin Rohde: Größenwahn und Lampenfieber - Die Wahrheit über Schauspieler. Rowohlt, Reinbek bi Hamburg 2009. ISBN 978-3499625015Verlagsnotiz 2009

Dokumentatschoon Armin Rohde – Das Geheimnis meiner Familie. Dokumentarfilm, Düütschland 2008, 45 Min., Book un Regie: Wolfgang Klauser, Produkschoon: NDR, Eerstsennen an’n 7. April 2008

Borns

Weblenken Literatur vun un över Armin Rohde in’n Katalog vun de Düütschen Natschonalbökeree

Armin Rohde-Portrait in’t ZDF

Kategorie:Schauspeler Kategorie:Börger von Düütschland Kategorie:Mann Kategorie:Grimme-Pries Kategorie:Boren 1955