Béatrice Romand (* 16. April 1952 in Birkadem dicht bi Algier) is en franzöösch Schauspelerin.
Romand wurr för dat düütsch Publikum hööftsächlich dör hör Rullen in Filmen vun Éric Rohmer as bispeelswies Le genou de Claire (düütsch: Claires Knie; de eerst Tosommenarbeit), Conte d’automne oder Le Rayon vert, aber ok dör de Charlotte („Charlie“) in de Vöravendserie Graf Yoster gibt sich die Ehre bekannt.
Mit 8 Johren hett se in’n Algerienkrieg mit hör Öllern hör Heimat verlaaten. In Paris studeer se klassisch Danz, Fotografie un Kunst, bevör se mit 16 Johren to’n eersten Mal för de sössdeelig Feernsehprodukschoon Mauregard vör de Kamera stunn. Se hett in mehr as 30 Film- un Feernsehprodukschonen mitwarkt
Twee vun hör Tosommenarbeiten mit Éric Rohmer wurrn uttekent. De Motion Picture Arts Club of New York hett hör schauspelerisch in Claires Knie 1970 mit den Pries för de Most Promising Actress (völversprekenst Schauspelerin), un för de Hööftrull vun de Sabine in Le beau mariage kreeg se up dat Filmfestival vun Venedig 1982 de Utteknung Beste Schauspelerin.
As Speelbaas bzw. Produzentin harr se Andeel an wiederen, to’n Deel mit Priesen uttekent Kört- un Dokumentarfilmen.
Hüüd leevt Béatrice Romand mit hör Familie in de Region Limousin.
Filmografie (Utwahl) Johr Titel Synchroonsnacker 1970 Mauregard, Feernseh-Minireeg 1970 Le genou de Clairedt.. Claires Knie 1972 Sex-shop 1973 Themroc 1974 Soft Beds, Hard Battlesdt.. Weiche Betten, harte Schlachten 1974 Graf Yoster gibt sich die Ehre, Feernsehreeg Uschi WolffAndrea L’Arronge 1975 The Romantic Englishwomandt.. Die romantische Engländerin 1982 Le beau mariagedt.. Die schöne Hochzeit Marion Martienzen 1983 La casa del tappeto giallodt.. Der gelbe Teppich 1986 Le rayon vertdt.. Das grüne Leuchten 1987 4 aventures de Reinette et Mirabelledt.: 4 Abenteuer von Reinette et Mirabelle 1998 Conte d’automnedt.. Herbgeschichte 2010 HH, Hitler à Hollywood
Weblenken
Homepage (Engelsch)
Kategorie:Fru Kategorie:Börger von Frankriek Kategorie:Schauspeler Kategorie:Boren 1952