Michael Richmond (* 26. Februar 1948 in Philadelphia/Pennsylvania) is en US-amerikaansch Jazz-Bassist.
Richmond fung as Gitarrist an un wessel in dat Orchester vun sien Highschool to de Bassgitarr. He studeer Musik an de Temple University, wo he mit en Bachelor afslooten hett un nehm Privat-Ünnerricht bi Jimmy Garrison. Richmond hett mit Musikers as Stan Getz, Dizzy Gillespie, Rahsaan Roland Kirk, Don Cherry, Karl Berger, George Gruntz, Walter Norris, den Folk-Blues-Singer und Songwriter Richie Havens un den indischen Sitar-Speler Ravi Shankar tosommenarbeit. Siet 1980 weer he Liddmaat in de Mingus Dynasty. 1989 speel he in dat Trio mit George Gruntz un Adam Nussbaum (Serious Fun, Enja 1990).
In de 1990er Johren weer he Liddmaat in John Fischers Grupp Interface mit Vincent Chancey, Theo Jörgensmann un Ben Kilmer un hett mit den Bujazzo arbeit. 1991 wark he mit bi dat Konzert vun Miles Davis un Quincy Jones in Montreux. In’ Momang speelt he in de Combo Nuvo mit Dave Schroeder, Rich Shemaria, Jamie Fox un John Hadfield.
Richmond gifft Ünnerricht an de New York University, wo he 1994 den Teacher of the Year Award kreeg. He hett en Standardwark över dat Spelen vun den Walking Bass verfaat.
Diskographie Dream Waves mit Billy Hart, Andy LaVerne, 1979 Basic Tendencies mit Louis Colin, Joe Passaro, Badal Roy, Simon Shaheen, Glen Velez, 1988 On the Edge mit Adam Nussbaum, Larry Schneider, 1988 Dance for Andy mit Keith Copeland, Billy Hart, Andy LaVerne, Jim McNeely, Adam Nussbaum, Larry Schneider, Kenny Washington, 1989 Blue in Green mit Richie Beirach, Larry Schneider, Jeff Williams, 1994 The New Interface Trio mit John Fischer, Ben Kilmer, 1994 For Us mit Andy LaVerne Piano, 1995
Weblenken Biographie (engelsch.) un Biller
Kategorie:Jazzmusiker Kategorie:Börger von de USA Kategorie:Mann Kategorie:Boren 1948