J. T. Walsh (an sik James Patrick Walsh; * 28. September 1943 in San Francisco, Kalifornien; † 27. Februar 1998 in La Mesa, Kalifornien) weer en US-amerikaanschen Schauspeler.
Leven un Wark Fröhe Johren As he fief weer, tögen sien Öllern mit ehm för söven Johren in en Militärquarteer na München un dorna na Stuttgart. Sien Vadder weer en zivilen Reekenprüfer bi’t Militär un föhr in de Familien en streng Regeer. James – un een Johr later ok sien Broder Christopher – hett he op dat Jesuiten-Internat Clongowes Wood College in Irland schickt, wat dat Land vun jemehr Vörfohren is. Söss Johren hett he dor tobröcht, wat em bannig prägt hett. Dör sien Tiet in Düütschland künn he ok bannig goot Düütsch snacken.
Mit 19 Johren füng Walsh en Studium an de Eberhard Karls Universität in Tübingen an. Sien Vadder is aver 1962 an en Brägentumor doodbleven un so töög de Familie wedder torüch in de USA in’n Budnsstaat Rhode Island, woneem de Mudder herkeem. Also füng Walsh denn an de University of Rhode Island en Studium an, woneem he an vele Theaterstücken mitspeelt hett. He weer to de Tiet de Präsident vun de Organisatschoon Students for a Democratic Society (engelsch för „Studenten för en demokraatsche Sellschop“), de ut de Antikriegsbewegung vun de 1960er Johren entstahn is.
As Walsh mit den Bachelor of Arts (BA) in Sellschopswetenschoppen afslaten harr, hett he as Sozialarbeiter arbeit, hett Enzyklopädien verköfft, weer Schoolmeester an en Grundschool, Journalist, Restaurantleider un ok Barkeeper in en vun de besten Fischrestaurants vun Manhattan. Eerst in’t Öller vun 30 Johren güng dat mit sien Loopbahn as Schauspeler los. Toessr speel he in Off-Broadway-Stück mit, nadem he 1974 vun en Speelbaas opdeckt worrn weer.
Anfangs harr Walsh vör, de Anfangsbookstaven J. un P. vun sien Naam ok för sien Künstlernaam to bruken. Man, bi en Casting is he mol ut Versehen as J.T. Walsh ansnackt worrn an Steed vun J.P. Walsh. Dissen Naam hett he denn övernahmen, vun wegen dat em dat vun’t Utsnacken her beter gefallen de.
Loopbahn Een vun siene eersten Filmrullen harr he eerst 1983 in’t Öller vun 39 Johren in den Film Eddie Macon’s Run. Sien Dörbrook an’n Broadway harr he een Johr later in dat Stück Glengarry Glen Ross von David Mamet. In de föffteihn Johren dorna weer Walsh as Schauspeler veel beschäftigt un hett an mehr as föfftig Feernseh- un Filmprodukschonen mitarbeit. Ok in eenige Feernsehregen weer he to sehn, as t. B. in Dark Skies, de mit en Emmy uttekent worrn is.
De US-amerikaansche Filmkritiker Leonard Maltin, de beropen is un veel to seggen hett, hett de Rullen vun Walsh mol betekent as en „anstellten, stillen, bösordigen Wedderling“. In dissen Sinn hett he faken unfründliche, opbrusen oder intrigeeren Lüüd speelt. He hett ünner annern ünner Speelbasen as Woody Allen, Barry Levinson, David Mamet, Peter Hyams, Rob Reiner, Ron Howard, William Friedkin un John Dahl Tohopen arbeit. Walsh sülvst hett mol seggt, dat he hapen de, he folg dat Bispeel vun Gene Hackman un warrt een Dag ok mol för kumplex strukturerten Figuren un substantiellere Rullen insett. 1997 is he för sien Dorstellen vun Ray Percy in den Feernsehfilm Hope as Best Nevendorsteller för en Emmy Nomineert wesen.
In sien letzt Levensjohr hett Walsh ü. a. in de Filmen Hidden Agenda, Pleasantville oder The Negotiator mitspeelt. Disse Filmen sünd em postum as Andenken an em todacht worrn - so ok de Film Outside Ozona, in den he egentlich mitspelen schüll. Man he is noch för Produkschoonsanfang doodbleven.
Walsh is bi’n Urlaub in’t Öller vun 54 Johren an Hartverseggen doodbleven. He harr een Broder (Christopher) an twee Süstern (Patricia un Mary). Sien Söhn is de Schauspeler John West.
Filmografie (Utwahl) Johr Titel Synchroonsnacker 1983 Eddie Macon's Rundt.: Kopfjagd 1985 Hard Choicesdt.: Harte Pfeile – Mitten ins Herz 1987 Tin Mendt.: Tin Men – Zwei haarsträubende Rivalen Christian Rode 1987 House of Gamesdt.: Haus der Spiele Fred Maire 1987 Good Morning, Vietnam Joachim Kerzel 1988 Tequila Sunrisedt.: Tequila Sunrise – Eine gefährliche Mischung Norbert Gescher 1989 The Big Picturedt.: Big Picture Leon Rainer 1989 Wireddt.: Belushi – Wired 1989 Dad Hubertus Bengsch 1990 Why me?dt.: Warum gerade ich? Hartmut Neugebauer 1990 Crazy Peopledt.: Nichts ist irrer als die Wahrheit Michael Grimm 1990 Narrow Margindt.: Narrow Margin – 12 Stunden Angst Uwe Paulsen 1990 The Russia Housedt.: Das Russland-Haus Bodo Wolf 1991 Iron Mazedt.: Iron Maze – Im Netz der Leidenschaft 1991 Backdraftdt.: Backdraft – Männer, die durchs Feuer gehen Christian Rode 1992 A Few Good Mendt.: Eine Frage der Ehre Norbert Gescher 1992 Hoffadt.: Jimmy Hoffa Roland Hemmo 1993 Sniperdt.: Sniper – Der Scharfschütze Christian Rode 1993 Needful Thingsdt.: Needful Things – In einer kleinen Stadt Randolf Kronberg 1994 Blue Chips Norbert Langer 1994 The Clientdt.: Der Klient Helmut Gauß 1994 Silent Falldt.: Stummer Schrei Joachim Kerzel 1994 Miracle on 34th Streetdt.: Das Wunder von Manhattan Norbert Gescher 1995 Sacred Cargodt.: Blutspur durch St. Petersburg 1995 Outbreakdt.: Outbreak – Lautlose Killer Till Hagen 1996 The Little Death 1996 Sling Bladedt.: Sling Blade – Auf Messers Schneide Randolf Kronberg 1997 Breakdown Joachim Kerzel 1996-97 Dark Skies, Feernsehreegdt.: Dark Skies – Tödliche Bedrohung Ernst Meincke 1997 Hope, Feernsehn 1998 The Negotiatordt.: Verhandlungssache Roland Hemmo 1998 Pleasantvilledt.: Pleasantville – Zu schön, um wahr zu sein Roland Hemmo 1999 Hidden Agendadt.: Das Todeskomplott
Weblenken
Kategorie:Mann Kategorie:Börger von de USA Kategorie:Schauspeler Kategorie:Boren 1943 Kategorie:Storven 1998