Tony Fruscella (* 4. Februar 1927 in Orangeburg, New Jersey; † 14. August 1969 in New York City) weer en US-amerikaanisch Jazz-Trompeter vun den Bebop un Hardbop. He speel mit Lester Young, Stan Getz un Frank Isola.
Leven
Fruscella speel an de High School mit Phil WoodsDe Upnahmen mit Woods sünd up de Anthologie The Complete Recordings enthollen. Se enthollt ok noch de Musik vun en Clubuptreden in’ Open Door Club (as LP up Spotlite rutkommen) un en Studio-Session mit Chick Maures, zit. nah Morton/Cook, S. 536 un nah sien Wehrdeenst kört bi Charlie Barnet. In de eerst Hälft vun de 1950er Johren denn mit Lester Young, Gerry Mulligan (Newport Festival 1954) un Stan Getz. Hööchpunkt vun sien musikaalisch Warken is dat eenzig ünner sien Naam rutbrocht Album för Atlantic Records 1955 mit Chauncey Welsch, Allen Eager un Danny Bank. Neben de Saxophonisten Eager un Brew Moore speel he ok faken mit den Kornettisten Don Joseph.Een vun hör Konzerte wurrd in en Roman vun Jack Kerouac beschreeven. Dornah weer he aber nich mehr musikaalsch tätig: Alkohol un Drogensucht hebbt sien Gesundheit ruineert un sien Karriere vörtiet beend. Toletzt weer he fakener in Krankenhüüs oder in’ Gefängnis. He is an de Folgen vun en Leverzirrhose storven
Fruscella weer mit de Schauspelerin un Singerin Morgana King verheiraadt.
Diskographisch Henwiesen The Unique - Tony´s Blues (Jazz Factory, 1948, 1955) mit Hank Jones, Phil Urso, Paul Chambers Pernod (The Jazz Factory, 1948, 1955) mit Stan Getz The Complete Recordings Jazz Factory, 1948-59) mit Danny Bank, Stan Getz, Herb Geller, Hank Jones, Teddy Kotick, Phil Woods Tony Fruscella (Atlantic, 1955) mit Allen Eager, Danny Bank, Chauncey Welsch, Bill Triglia (p), Bill Anthony (Bass), Will Bradley
Literatur Richard Cook & Brian Morton: The Penguin Guide to Jazz on CD, 6th Edition, London, Penguin, 2002 ISBN 0-14-017949-6. Martin Kunzler: Jazz-Lexikon, Reinbek, Rowohlt 1988 Bielefelder Katalog Jazz, 2001
Weblenken Franzöösch Artikel in Jazzmagazine Diskographie
Enkeld Nahwiesen
Kategorie:Jazzmusiker Kategorie:Börger von de USA Kategorie:Mann Kategorie:Boren 1927 Kategorie:Storven 1969