(87) Sylvia is en Asteroid ut de butere Hööftgördel (Spektralklass X), de an’n 16. Mai 1866 vun de engelsch Astronom Norman Robert Pogson an de Steernwacht in Madras, Indien, opdeckt wurrn is. De afsolute Helligkeit bedrocht 6,94.
De Asteroid is nah Rhea Silvia nömmt wurrn, de Moder vun Romulus un Remus in de röömsch Mythologie.
Mit en middleren Dörmeter vun 260 km is he dat achtgröttste Objekt vun den Hööftggördel. In rund 5 Stünn un 11 Minüt roteert he üm de eegen Ass. De Asteroid hett en dunkeln Böverflach mit en Albedo vun 0,043.
An’ 23. Februar 2001 hett man an dat Keck-Observatorium mit Hülp vun adaptiver Optik en Begleiter bi Sylvia opdeckt. Dör wieder Beobachtungen mit dat Very Large Telescope in dat Johr 2004 kunn noch en Maand funnen wurrn: Sylvia is somit de eerste bekannte Asteroid mit twee Maanden. De eerste, Romulus, hett en Dörmeter vun 18 km un umkreist Sylvia in en Afstand vun 1.356 km in 3,65 Daag. De tweete, Remus, is blots 7 km groot un bewegt sück in en Afstand vun 710 km in 33 Stünn um den Asteroiden. Beid Objekte umkreisen den Asteroiden up quasi kreisföörmig (Exzentrizität = 0,001 bzw. 0,016) un meest äquatorialen (Bahnneegen ≈ 1°) Bahnen. As passend Naams för de beid Trabanten wurrn de Naams Romulus un Remus vun de IAU fastleggt.
Weblenken www.wissenschaft.de: 87 Sylvia gönnt sich eigenes kleines Planetensystem The moonlets of asteroid 87 Sylvia (en.) Letter to Nature - Discovery of the triple asteroidal system 87 Sylvia (PDF, en.; 203 kB)
Sylvia