Karine Ruby (* 4. Januar 1978 in Bonneville, Département Haute-Savoie; † 29. Mai 2009 an’ Mont Blanc) weer en franzöösch Snowboardfohrerin.
Ruby weer de weltwiet spoodriekst Snowboarderin. Se hett an dree Olympisch Spelen deelnommen un wunn twee Olympiamedaillen. Bi söss Snowboard-Weltmeesterschapen tüschen 1996 und 2005 hett se söss Gold- un veer Sülvermedaillen wunnen. In de Snowboard-Weltcup vun de FIS wunn se söss mal in de Gesamtweltcup un dartein mal in de Disziplinen-Weltcups.
Tosommen mit Isabelle Blanc un Doriane Vidal (Halfpipe), beid ok ut Frankriek, domineer se af Midden vun de 1990er Johren de Snowboard-Szene. Se weer en vun de wenigen Spitzenathletinnen, de vun Anfang an blots bi Rennen vun de FIS start is un nich för de konkurreerend ISF fohren is. Noch vör de Olympisch Winterspelen 2006 hett se seggt, to dat Enn vun de Saison Bott maken to wullen un is in’ März 2006 ok torüchtreden. Dree Johr later is se in en Gletscherspalt störrt un to Dood kommen.
Wat se schafft hett
Olympisch Spelen Nagano 1998: Gold in’ Riesenslalom Salt Lake City 2002: Sülver in’ Parallel-Riesenslalom
Weltmeeesterschapen Lienz 1996: Gold im Riesenslalom Innichen 1997: Gold im Boardercross, Sülver in’ Parallel-Slalom, Sülver in’ Riesenslalom Madonna di Campiglio 2001: Gold in’ Parallelslalom, in’ Riesenslalom un in’ Boardercross Kreischberg 2003: Gold im Boardercross, Sülver in’ Parallelslalom Whistler Mountain 2005: Sülver in’ Boardercross
Weltcup Gesamtweltcup: 1996, 1997, 1998, 2001, 2002, 2003 Riesenslalom-Weltcup: 1995, 1996, 1997, 1998, 2001 Slalom-Weltcup: 1996, 1997, 1998 Parallel-Riesenslalom-Weltcup: 2002 Boardercross-Weltcup: 1997, 2001, 2003, 2004 67 Siege bi Weltcuprennen, 122 Podestplatzen
Weblenken
Karine Ruby bei sports-reference.com Portrait bei olympic.org Übersicht Erfolge bei EXPN
Enkeld Nahwiesen
Kategorie:Fru Kategorie:Börger von Frankriek Kategorie:Olympiadeelnehmer (Frankriek) Kategorie:Boren 1978 Kategorie:Storven 2009