Johann Friedrich August „Feodor“ Kelling (* 11. Februar 1820 in Klutz; † 24. Oktober 1909 in Nelson) weer en neeseelandschen Politiker.
Kelling is 1820 as Söhn von Louise Catharina Margaretha (borene Harms) un Johann Joachim Kelling in Klutz in Mekelborg-Swerin boren. An’n 14. April 1844 hett he in Rövershagen Hochtied fiert mit Johanna Friederica Christiana Lampe, döfft an’n 18. Februar 1820 . Kort later sünd se op de Skiold afreist na Neeseeland. De Briten harrn för jemehr ne’e Kolonie Kolonisten ut Düütschland söcht un Kuno von Rantzau-Bredenborg harr jem Lüüd ut Mekelborg vermiddelt. Na veer Maand Reis kemen se an’n 1. September 1844 in Nelson an. De Mekelbörger hebbt teihn Kilometer westen von Nelson dat Dörp Ranzau grünnt. Kelling weer dorbi een von de Lüüd, de dat ganze mit organiseert hebbt. In datsülve Johr is ok sien Söhn Robert Charles Ferdinand Kelling boren.
An’n 10. Juli 1869 hett em de Noorddüütsche Bund to’n Konsul maakt un he weer för de Provinz Nelson tostännigClaudia Linda Reese: Neuseeland und Deutschland: Handelsabkommen, Aussenhandelspolitik. . Von’n 25. August 1871 af an weer he denn Konsul för dat Düütsche Kaiserriek:de:s:Ernennung zu Deutschen Konsuln. Vom 31. Oktober 1871. Kelling weer ok Afornter för den Wahlkreis Waimea in dat Parlament von Neeseeland.
Footnoten
Weblenken
Bild bi en gollen Hochtied 1899, Kelling sitt in de twete Reeg un is de twete rechts (Text to dat Bild engelsch)
Kategorie:Mann Kategorie:Politiker Kategorie:Börger von Neeseeland Kategorie:Boren 1820 Kategorie:Storven 1909