thumb|Mohammed Atta Mohammed Atta (* 1. September 1968 in Kafr asch-Schaich, Ägypten; † 11. September 2001 in New York) weer en islamistischen Terroristen. He warrt ankeken as een vun de fiev Lüde, de den eersten Fleger bi de Terroranslääg an'n 11. September 2001 in de USA versleept hefft un dor denn Klock 8:46 in den Noordtoorn vun dat World Trade Center mit rinflagen sünd.Pressemitteilung des FBI National Press Office vom 27. September 2001 Wohrschienlich is Atta de Anföhrer ween un hett den Fleger ok stüert.
Sien ganzen Naam is Muhammad ʿAttā as-Sayyid (). He is boren in Kafr asch-Schaich. Dat is en Stadt in Ägypten, an dat Delta vun den Nil-Stroom. Sien Vadder is Afkaat ween. Atta hett ok en Utwies för Saudi-Arabien harrt. Upwussen is he in Kairo. Dor hett he Architektuur studeert un dat Studium mit en Diplom afslaten. Denn is he na Düütschland hentrocken. Dor hett he vun 1992 bit 1999 in Hamborg an de Technische Universität Hamborg-Harborg Stadtbo un Stadtplanung studeert. Dor hett he unner den Naam Mohammed al-Amir in dat Wintersemester 1992/93 sien Studium anfungen. He is dor nich wieter bi upfullen un hett, mit Studenten ut allerhand Länner, bi dat Projekt "Wohnen 2000" mitmaakt. Unner annern hett he de Vörlesung "Wohnungswesen" besöcht un is ok bi de Exkursionen, de dor tohören döen, mit bi ween. So is he ok mit na Bremen föhrt un hett sik dor de Grootsiedlung Oosterholt- Tenever mit ehre Hoochhüser ankeken. Dat hett Benutzer:Dr. Ronald Kunze sülms mitkregen In Harborg hett Atta bit tolest in den Marienstraten leevt.
Besöken in de Moschee In Hamborg hett Atta, tohopen mit de annern latern Terroristen Ramzi Binalshib un Marwan al-Shehhi de Al-Quds-Moschee in Hamborg St. Georg an'n Steendamm 103 besöcht.FAZ am Sonntag vun'n 1. November 2009: Seltsame Wandlung. Ein Hassprediger widerruft. In'n Januar 2000 höört de dree en Predigt vun den beröhmten Dschihad-Prediger Mohammed al-Fasasi ut Marokko. De predigt: „De Dschihad is en harte Straaf för de Lüde, de nich gloven doot. Use Religion gifft us den Updrag, wi schöllt jem den Hals dörsnieden“FAZ am Sonntag vun'n 1. November 2009 De düütschen Sekerheitsbehörden kriegt vun düsse Predigten eerst wat mit, as de Terroransläge an'n 11. September al vorbi sünd.FAZ am Sonntag vun'n 1. November 2009
Atta fallt up Jürgen Elsässer meent, de republikaansche Afordente Curt Weldon harr in den US-Kongress Fragen stellt to en US-Spezialeenheit mit Naam Able Danger un dor weer bi rutkamen, dat düsse Eenheit „al vun dat Johr 2000 af an den 9/11-Mitmaker Mohammed Atta ganz genau ankeken harr“. Hermann Ploppa: "Eine Anschlagsgefahr besteht durchaus - und die Geheimdienste haben ihre Finger im Spiel" - Telepolis vun'n 13.09.2008
Över sien Weltsicht Shahid Nickels is en Bekannten vun Atta ut de Tied vun siene Besöken in de Al-Quds-Moschee. He seggt, Atta harr de Welt ankeken, as en Natschonalsozialisten. He harr sik dor ok New York um utsöcht as Teel „vunwegen dat för em dat Zentrum vun dat Weltjodendom ween is.“na tagesschau.de vun'n 9. Mai 2005
Kiek ok bi Osama bin Laden Al Kaida Mounir al Motassadeq Ziad Jarrah
Belegen
Weblenken Kapitel 5.3 The Hamburg Contingent (engl.) vun den 9/11 Commission Report
Kategorie:Börger von Ägypten Kategorie:Mann Kategorie:Al Kaida Kategorie:Boren 1968 Kategorie:Storven 2001 Kategorie:Attentäter