Dat Middelpleistozän oder Middlere Pleistozän (inoffiziell ok as Ionium betekent) is en Afsnitt vun de Epoch Pleistozän vun de Eerdhistorie. Anfungen hett dat vör ruchweg 781.000 (± 50.000) Johren un güng vör üm un bi 127.000/126.000 Johren to Enn. Dorna keem dat Jungpleistozän.
Naam un Profil To Tiet is dat en Vörslag, dat Middelpleistozän as „Ionium“ to beteken – na dat Ionische Meer, woneem de Schichten vun disse Stoop nauer ünnersöcht worrn sündMaria Bianca Cita, Luca Capraro, Neri Ciaranfi, Enrico Di Stefano, Maria Marino, Domenico Rio, Rodolfo Sprovieri und Gian Battista Vai: Calabrian and Ionian: A proposal for the definition of Mediterranean stages for the Lower and Middle Pleistocene. Episodes, 29(2):107-114, Beijing 2006. En „Global Stratotype Section and Point“ (GSSP, ruchweg so wat as’n Tyypprofil) is opstunns noch nich fastleggt worrn. För de Grenz twüschen Middel- un Jungpleistozän is en Bohrlock in’n Flaaghaven vun Amsterdam (Eem-Warmtiet op Drenthe-Grundmorään, de op 127.000 vör vundaag dateert worrn is) vörslahn worrn. As tosätzlichen Stratotyyp warrt wieter de Daagbo Gröbern (Sassen-Anholt) vörslahn, woneem ok en Eem-Beckenfazies nipp un nau op de Drenthe-Grundmorään liggt.
Definitschoon Na ünnen warrt de Stoop dör de Brunhes-Matuyama-Ümkehr vun’t Eerdmagnetfeld defineert. De bövere Grenz is de Basis vun de Eem-Warmtiet, de mit de Basis vun de marinen Isotopenstoop 5e tohopenfallt.
Ünnerdelen Saale-Koolttietkomplex (üm 347.000 bit 128.000 Johren vör nu), Duer: ruchweg 219.000 Johren Holsteen-Warmtiet (vun vör 370.000 bit vör 347.000 Johren), Duer: ruchweg 23.000 Johren Elster-Koolttiet (vun vör 475.000 bit vör 370.000 Johren), Duer: ruchweg 105.000 Johren Cromer-Warmtiet, (vun vör 850.000 bit vör 475.000 Johren), Duer: ruchweg 375.000 Johren, füng al in’t Ünnere Pleistozän an
Dat Veriesen vun Noordeuropa wiel de Saale-Koolttiet is in de Alpen dat glieke as de Riss-Iestiet. De Elsterkoolttiet fallt in de Tiet tosamen mit de Vergletschern vun de Mindel-Iestiet in de Alpen.
Literatur Felix Gradstein, Jim Ogg, Jim & Alan Smith: A Geologic timescale. Cambridge University Press 2005 ISBN 9780521786737 Wighart von Koenigswald: Lebendige Eiszeit. Klima und Tierwelt im Wandel. Theiss-Verlag, 2002, ISBN 3-8062-1734-3 Maria Bianca Cita, Luca Capraro, Neri Ciaranfi, Enrico Di Stefano, Maria Marino, Domenico Rio, Rodolfo Sprovieri und Gian Battista Vai: Calabrian and Ionian: A proposal for the definition of Mediterranean stages for the Lower and Middle Pleistocene. Episodes, 29(2):107-114, Beijing 2006
Borns
Weblenken Deutsche Stratigraphische Kommission (Rgv.) (2002): Stratigraphische Tabelle von Deutschland 2002. ISBN 3-00-010197-7 - PDF (Groot) Detailed charts: Neogene - Late Oligocene (0-33 Ma time-slice), Norges Network of offshore records of geology and stratigraphy (pdf, 2,65 Mb)
Kategorie:Eerdtietöller