Monika Sundermann (* 1945 oder 1946 as Monika Nehls) is en ehmolige düütsche Feernsehassistentin.
Leven Sundermann weer af 1964 noch ünner ehrn Geboortsnaam – also as Monika Nehls – in de Feernsehsennen Gut gefragt ist halb gewonnen de Helpsche vun Hans Rosenthal. Disse Sennen is bit 1970 utstrahlt worrn. In't Johr 1966 hett se den Footballspeler Jürgen Sundermann heiraat un is later Mudder vun twee Söhnen worrn. In de Johren 1971 bit 1986 hett se wedder as Helpsche vun Hans Rosenthal arbeit, ditmol in 153 Folgen vun de Speelshow Dalli Dalli. Se weer in de Sennen för’t Begleiden vun de Kandidaten sünners bi de Akschoonssepelen tostännig.
Ok in de Quizshows KO OK un Rate mal mit Rosenthal hett se as Helpsche vun Hans Rosenthal arbeit. As de 1987 doodbleev, weer se bit 1990 Helpsche vun Dieter Thomas Heck in de Sennen Ihr Einsatz bitte.
Sundermann leevt in Leonberg bi Stuttgart.
Feernsehsennen 1964–1970: Gut gefragt ist halb gewonnen 1971–1986: Dalli Dalli 1977–1980: KO OK 1979–1986: Rate mal mit Rosenthal 1987–1990: Ihr Einsatz bitte
Weblenken
Frank Buchmeier: "Dalli Dalli und der Wundermann" - in: Stuttgarter Zeitung, 2.7.2013 Monika Sundermann op fernsehserien.de
Kategorie:Fru Kategorie:Börger von Düütschland Kategorie:Feernsehn Kategorie:Boren in dat 20. Johrhunnert