Verfallsreeg

En Verfallsreeg is de Affolg vun Verfallsprodukten ut’n radioaktiven Verfall, de tostannen kummt, wen en radioaktiv Nuklid in en anner’t Nuklid verfallt, dat ok wedder radioaktiv is un wieter verfallt. Dat Produkt ut en Verfall warrt Dochternuklid nöömt, wenn dat wieter verfallt, warrt dat nächste Produkt as Enkelnuklid betekent, dat folgen as Oorenkelnuklid un so wieter. De Verfallsreeg gifft also an, in welke Isotopen dat Utgangsnuklid oder Muddernuklid de Reeg na verfallt. Bi de natürlichen Verfallsoorden blifft de Massentall gliek (bi de Gamma- un de Betastrahlen) oder warrt üm veer minnert (bi de Alphastrahlen). Dat gifft dorüm för de sworen natürlichen Radionukliden veer verschedene Verfallsregen, de dör de Massentallen (links hoochstellt) eendüdig bestimmt warrtRadioanalytisches Labor Buheitel: . (geprüft am: 2008-03-02).

De natürlichen Verfallsregen Dat gifft dree vullstännig vörkamen natürliche Verfallsregen: de Uran-Radium-Reeg mit dat Utgangsnuklid Uran-238 un dat Endnuklid Blie-206 (4n+2-Reeg) de Uran-Actinium-Reeg mit dat Utgangsnuklid Uran-235 (oder Plutonium-239, wenn en de Reeg bit na de künstlichen Transuranen verlängert) un dat Endnuklid Blie-207 (4n+3-Reeg) de Thorium-Reeg mit dat Utgangsnuklid Thorium-232, wovun aver ok noch Vörgängernukliden bit na’t Plutonium-244 op de Eer vörkamtD. C. Hoffman, F. O. Lawrence, J. L. Mewherter, F. M. Rourke: Detection of Plutonium-244 in Nature. In: Nature. 234, 1971, S. 132–134 (DOI: 10.1038/234132a0). un de Reeg an sik dor al anfangen müss, un dat Endnuklid Blie-208 (4n-Reeg)

De veerte Verfallsreeg kummt bit op den letzten Schritt in de Natur nich vör, vun wegen dat dat lang bestännige Neptunium-237, dat den Naam geven hett un an’n Anfang vun de Reeg steiht, so goot as vullstännig verfallen is un de Twüschenprodukten blots korte Halfweertstieten hebbt. Blots dat letzte Radionuklid vun disse Reeg, Wismut-209 is wegen sien bannig lange Halfweertstiet noch dor un is sogor lange Tiet för dat Endnuklid vun disse Reeg hollen worrn. Eerst 2003 is opdeckt worrn, dat sik dat dorbi üm en Alphastrahler mit en Halfweertstiet vun 19 Trillionen Johren hannelt. Dat Utgangsnuklid vun de Reeg is also Neptunium-237, faken warrt aver ok Plutonium-241 as Utgangsnuklid angeven. Dat Endnuklid is Thallium-205 (4n+1-Reeg).

Ut en sünnere Mengde vun en unbestännig Nuklis billt sik dör Verfall en Mischen ut de Nukliden, de em in de Verfallsreeg opfolgt, so lang bit all Karns de Reeg bit na dat Endnuklid dörlopen hebbt. De Nukliden, de en lütte Halfweertstiet hebbt, gifft dat in de Mischen blots in lütte Mengden, wiel sik de Nukliden mit lange Halfweertstieten starker ansammelt.

Laag in de Nuklidkoort

Histoorsche Beteken In de klassischen Tiet vun’t Utforschen vun de radioaktiven Verfallsregen sünd de ünnerscheedlichen Nukliden mit verschedene Naams betekent worrn, woran de Tohöörigkeit to een vun de natürlichen Verfallsregen un de glieken Egenschoppen aftolesen weern. So sünd to’n Bispeel Radon, Thoron un Actinon allens EddelgasenC. M. Lederer, J. M. Hollander, I. Perlman: Table of Isotopes. 6. Oplaag, Wiley & Sons, New York 1968:

Hüütige Name Histoorsche Naam Langversion vun’n Naam 238U U Uran 235U AcU Actinuran 234U UII Uran II 234Pa UZ Uran Z 234mPa UX2 Uran X2 234Th UX1 Uran X1 231Th UY Uran Y 230Th IO Ionium 228Th RdTh Radiothor 227Th RdAc Radioactinium 228Ac MsTh2 Mesothor 2 228Ra MsTh1 Mesothor 1 226Ra Ra Radium 224Ra ThX Thorium X 223Ra AcX Actinium X 223Fr AcK Actinium K 222Rn Rn Radon 220Rn Tn Thoron 219Rn An Actinon 218Po RaA Radium A 216Po ThA Thorium A 215Po AcA Actinium A 214Po RaC' Radium C' 212Po ThC' Thorium C' 211Po AcC' Actinium C' 210Po RaF Radium F 214Bi RaC Radium C 212Bi ThC Thorium C 211Bi AcC Actinium C 210Bi RaE Radium E 214Pb RaB Radium B 212Pb ThB Thorium B 211Pb AcB Actinium B 210Pb RaD Radium D 210Tl RaC" Radium C" 208Tl ThC" Thorium C" 207Tl AcC" Actinium C"

De Uran-Radium-Reeg de in disse ollen Naamsgeven as folgt utsehn:

U → UX1 → UX2 (→ UZ) → UII → Io → Ra → Rn → RaA → RaB → RaC → RaC' (oder RaC") → RaD → RaE → RaF → 206Pb

Borns

Kiek ok Schuuvgesett

Weblenken

Kategorie:Radioaktivität

Verfallsreeg

Bron en licentie