Carolin Kebekus (* 9. Mai 1980 in Bergisch Gladbach) is den düütsche Komikerin, Musikerin un Schauspelersche. En gröttert Publikum is se dör ehr Optreden bi Sennen as NightWash, RTL Comedy Macht oder Was guckst du?! bekannt worrn.
Wark Kebekus hett in de Feernsehshow Freitag Nacht News en Tiet lang ünner annern Bill Kaulitz, den Singer vun de Musikgrupp Tokio Hotel, parodeert, wat in’n April 2006 dorto föhrt hett, dat se vun Anhangers vun de Grupp faken beschimpt und bedrauht worrn is. Liekers hett ehr disse Parodie aver ok to’n Dörbrook in’t Feernsehgewarf verholpen. As de Show in’n September 2006 ümgestalt worrn is, höör se to de Moderaters vun Freitag Nacht News üm den Anchorman Ingo Apelt. Man, de Sennen is in’n Dezember 2006 afsett worrn.
In’t Johr 2007 hett se in de Sitcom Kinder, Kinder vun RTL mitspeelt un weer en poor mol in de Kummedie-Talkshow u. A. w. g. – um Antwort wird gebeten bi Comedy Central mit dorbi. Butendem weer se fakener mol as Gast in verscheden Kummedie-Sennen to sehn, ü.a. bi Fritz & Hermann, Frei Schnauze oder in’n Quatsch Comedy Club. Siet 2008 arbeit se in de Sketchkummedie-Reeg WunderBar mit.
Blangen ehr Arbeit bi’t Feernsehn hett se 2007 ok en Rull in den düütschen Kinofilm Vollidiot speelt, de op den Roman mit glieken Naam vun Tommy Jaud baseert. Bito singt Kebekus ok in de Musikgrupp De Imis.
Priesen För ehr Arbeit in’t Fack Kummedie is Carolin Kebekus bit hüüt mit dree Priesen ehrt worrn un weer för twee wietere vörslahn. Wunnen hett se: 2007: den Tokiekerpries vun den Wettstriet Tegtmeiers Erben 2007: den Düütschen Kummediepries in de Kategorie Beste Reeg för Kinder, Kinder 2008: den Prix PantheonBonnXXL.de: Feernseh-Comedian Carolin Kebekus kriggt den Prix-Pantheon, 29. Mai 2008 2013: den Düütschen Kummediepries in de Kategorie Beste Komikerin 2014: den Düütschen Kummediepries in de Kategorie Beste Komikerin
Borns
Weblenken Offizielle Websteed vun Carolin Kebekus
Websteed vun de Grupp De Imis
Kategorie:Fru Kategorie:Börger von Düütschland Kategorie:Hoochdüütsch Kategorie:Kabarett Kategorie:Boren 1980