thumb|Wolfgang Petersen, 2006 Wolfgang Petersen (* 14. März 1941 in Emden, Düütschland; † 12. August 2022 in Brentwood, Kalifornien) weer en düütschen Filmspeelbaas un Filmproduzent. He hett ok bi eenige vun sien Filmen an’t Dreihbook mitarbeit.
Biografie Kindheit, Jöögd un eerste Arbeiten as Speelbaas Petersen is to de Tiet vun’n Tweeten Weltkrieg in Mekelnborg opwassen. Dorna sünd sien Öllern toeerst wedder torüch na Emden togen, 1950 denn aver na Hamborg-Bramfeld. He hett al to sien Schooltiet op de Gelehrtenschool vun’t Johaneum mit en 8-mm-Kamera eerste Filmen dreiht.
Sien eerste Arbeit as Speelbaas hett Petersen an’t Junge Theater in Hamborg maakt, woneem he Speelbaas bi verscheden Kinneropföhren weer. Blangento hett he ok as Helpsmann vun’n Speelbaas un as Schauspeler arbeit un en Schauspeelschool besöcht. 1965 hett he en Studium vun de Theaterwetenschop in Hamborg un Berlin anfungen. In dat Johr hett he ok ’n lütte Rull in de Feernsehreeg Raumpatrouille speelt.
Dat Johr dorop wessel he an de Düütsche Film- un Feernsehakademie Berlin un hett as Studienarbeiten en poor Kortfilmen dreiht (dorünner Der Eine – Der Andere un Ich nicht). As Afslussarbeit legg he 1969 den Film Ich werde dich töten vör. Wiel de Tiet hett he blangento noch wietere Theaterstücken in Hamborg inszeneert.
Loopbahn in Düütschland Af 1971 hett Petersen för’t Feernsehn arbeit un hett ünner annern för den NDR söss Folgen vun de Feernsehkrimireeg Tatort un för den WDR (Van der Valk und die Reichen) un annere Produkschonen dreiht. De Tatort-Folg Reifezeugnis mit Nastassja Kinski un Christian Quadflieg is bit hüüt een vun de spoodrieksten Tatortfilmen, de je dreiht worrn sünd.
1973/74 künn he sien eersten Film för’t Kino ümsetten, neemlich Einer von uns beiden. Bi’t Besetten vun de Filmkru hett he en teemlich fasten Stamm vun Mitarbeiters tosamenstellt, dorünner Jörg-Michael Baldenius as Kameramann, den Schauspeler Jürgen Prochnow und Klaus Doldinger as Komponist för de Filmmusik. De Film De Konsequenz löös 1977 en Schandal ut, as sik de BR ut de Överdrägen utschalt hett. De Senner weer dorvun övertüügt, dat dat Thema Homosexualität nix för jemehr Tokiekers weer. Korte Tiet later weer de Film in de Kinos to sehn.
1980 geev de Produkschoonsfirma Bavaria Film an Petersen den Opdrag, de Regie to de Grootprodukschoon Das Boot to föhren, de sik vör allen in de USA to’n Kassenhauer entwickelt hett. Das Boot weer dor de bit to de Tiet spoodriekste frömdsprakige Film. In Düütschland weer de Film bi sien Eerstopföhren mit 2,3 Millionen Tokiekers toeerst ehr middelmatig spoodriek. Dör de wedderhollen Opföhren un de Utstrahlen vun de Feernsehfaten is dat de bekanntste düütsche Film vun all Tieten worrn.
Na dissen eersten groten Spood hett Petersen mit en Budget vun mehr as 50 Millionen DM Die unendliche Geschichte as de düerste düütsche Produkschoon na’n Krieg dreiht.
Loopbahn in Hollywood Na sien Spood künn Petersen denn ok in Hollywood Foot faten. Sien eerste Arbeit dor weer 1984 de Science-Fiction-Film Enemy Mine. Twee Johren later is Petersen na Los Angeles ümtogen un hett dor wietere Filmen för den internatschonalen Markt ümsett un Blockbuster utklamüstert as to’n Bispeel Shattered, In the Line of Fire, Outbreak, Air Force One, The Perfect Storm, Troy un annere.
He hett bit hüüt söss Filmen mit Inspeelresultaten vun mehr as 100 Millionen US-Dollar (Blockbuster) in de Kinos bröcht. Inflatschoonsbereinigt sogor söven, vun wegen, dat Das Boot den ok dorto höört.
Filmografie (Utwahl) Johr Titel Funkschoon 1965 Stadt auf Stelzen, Opteken vun’t Lessing-Theater, Hamborg Speelbaas 1966/67 Der Eine – der andere, Kortfilm SpeelbaasDreihbook 1968 Die Rote Fahne Speelbaas 1970/71 Ich werde dich töten Speelbaas 1971-77 Tatort, Feernsehfolgen Speelbaas 1972 Anna und Toto, Feernsehn Speelbaas 1973 Smog, Feernsehn Speelbaas 1974 Einer von uns beiden Speelbaas 1974 Aufs Kreuz gelegt, Feernsehn Speelbaas 1976 Vier gegen die Bank, Feernsehn SpeelbaasDreihbook 1977 Planübung, Feernsehn SpeelbaasDreihbook 1977 Die Konsequenz SpeelbaasDreihbook 1978 Schwarz und weiß wie Tage und Nächte, Feernsehn Speelbaas 1981 Das Boot SpeelbaasDreihbook 1984 Die unendliche Geschichte SpeelbaasDreihbook 1985 Enemy Minedt.: Enemy Mine – Geliebter Feind Speelbaas 1991 Shattereddt.: Tod im Spiegel SpeelbaasProduzentDreihbook 1993 In the Line of Firedt.: In the Line of Fire – Die zweite Chance SpeelbaasProduzent 1995 Outbreakdt.: Outbreak – Lautlose Killer SpeelbaasProduzent 1997 Air Force One SpeelbaasProduzent 1997 Red Cornerdt.: Red Corner – Labyrinth ohne Ausweg Produzent 1999 Instinctdt.: Instinkt Produzent 1999 Bicentennial Mandt.: Der 200 Jahre Mann Produzent 2000 The Perfect Storm dt.: Der Sturm SpeelbasProduzent 2001 The Agency, Feernsehreegdt.: The Agency – Im Fadenkreuz der C.I.A. Produzent 2004 Troydt.: Troja SpeelbasProduzent 2006 Poseidon SpeelbasProduzent
Utteken un Filmpriesen Wolfgang Petersen weer opstunns veerteihn mol för Filmpriesen nomineert, dorünner ok tweemol för den Oscar, den he aver nich winnen künn. Wunnen hett he bit vundaag (na IMDb, Februar 2009) söven Priesen: 1974: den Düütschen Filmpries in Gold in de Kategorie Sünnere Enkeltleistung vun en ne’en Speelbaas för Einer von uns beiden. 1984: den Bambi. 1986: den Antennae II Award för Enemy Mine. 1986: den C.S.T. Award för Enemy Mine. 1995: den Bambi in de Kategorie Internatschonal Film. 1997: den Bambi in de Kategorie Speelbaas för Air Force One. 2001: den ShoWest Award as Best Speelbaas vun’t Johr.
Literatur CineGraph – Nakieksel to’n düütschsprakigen Film (Blöödsammlung), B1-B6, F1-F22, E1-E22. Deutsches Filminstitut/Deutsches Filmmuseum: Das Boot. Auf der Suche nach der Crew der U96. Henschel Verlag 2006, ISBN 3-89487-550-X
Footnoten
Weblenken Literatur vun un över Wolfgang Petersen in de Düütschen Natschonalbökeree
Wolfgang Petersen över Leven un Wark op Bayern3 Stars & Hits. Moderater: Thorsten Otto Starpower Wolfgang Petersen – Box-Office-Resultaten vun Petersens Filmen (hoochdüütsch) Biografie op film-zeit.de (hoochdüütsch) Dirk Jasper Filmstarlexikon: Wolfgang Petersen (hoochdüütsch) The German-Hollywood Connection: Wolfgang Petersen – From Hamburg to Hollywood (engelsch)
Kategorie:Mann Kategorie:Börger von Düütschland Kategorie:Speelbaas Kategorie:Filmproduzent Kategorie:Dräger vun’t Bundsverdeenstkrüüz Kategorie:Boren 1941 Kategorie:Storven 2022