Jürgen Niklaas Bärmann (* 19. Mai 1785 in Hamborg; † 1. März 1850 ok dor) weer en plattdüütschen Schriever.
Bärmann is 1785 in Hamborg as Söhn vun arme Öllern boren un warrt dor Lehrer. 1820 maakt he an de Universität Jena sien Dokter. In Hamborg bedrifft he siet 1810 en Erziehungsanstalt, de he 1845 opgifft. He leevt denn as Spraaklehrer, Översetter un Schriever. Vun 1821 bet 1824 hett he ok tohoop mit Friedrich Ferdinand Ludewieg an de Tiedschrift Die Biene arbeidt.
Bärmann hett 1828 de Hammonia-Hymne schreven. 1829 hett he dat Book Neunhundert neun und neunzig und noch etliche Almanachs-Lustspiele durch den Würfel, Almanach dramatischer Spiele für die Jahre 1829 bis 1961 rutgeven. Dat Book sammelt 1200 Versatzstücken vun Eenakters för’t Theater, de de Leser sik dör würfeln to 999 un noch mehr jümmer ne’e Eenakters tohoopsetten kann.Dor maakt he sik en beten lustig mit över de Gier vun siene Tiedgenossen na jümmer ne’e lüttje Luststücken.
Warken
Veerlanden. Een Dichtels in twee Gesängen. ut dem Höögdüdschen naa dem Pastooren Johann Arnold Minder in de rechte Veerlander Buurenspraak ümschräwen van Jürgen Niklaas Bärmann. Müller, Hamborg 1819 Rymels und Dichtels. En Höög- un Häwel-Book för’n plattdüütschen Börger un’n Buren up’t Jahr 1822. Nestler, Hamborg 1822 Dat välbelaavte Koffee-Leed in plattdüüdsche Rymeln. En Gegenstück to Schiller’s hohberöhmt Klocken-Leed. Hartwig & Müller, Hamborg 1825 Dat grote Höög- und Häwel-Book. Dat sünd Dichtels, Rymels und Burenspillen in Hamborger plattdüüdscher Mundart. Hoffmann u. Campe, Hamborg 1827 Dat sülwern Book. Plattdüüdsche Schrivden mit twee Musikblädern un enem Ünnerlöper, dee uns lehrt uns Hamborger Plattdüüdsch to läsen un to schrijwen. Sülvstverlag, Hamborg 1846 De lütje Plattdüüdschmann. Or’r pragmatsch Lehrbook der nedderdüütschen o’r plattdüütschen Mundaart, as see in Hamborg un wyd üm Hamborg herüm spraken ward un schräwen warden mutt. Hamborg 1859 Kwatern. En Burenspill in Rimeln. in’n Updrag von de plattdütsch Gill to Swerin nig rutgewen von H.K.A. Krüger. Stiller, Swerin 1913
Hoochdüütsch
Hamburgische Chronik von Entstehung der Stadt bis auf unsere Tage. 2 Bänn, Nestler, Hamborg 1820 Alexander von Soltwedel. 1817 Der glückliche Bettler. (na Gozzi) 1819 Das Haus mit zwei Thüren. na Calderon, 1821 Die Seeräuber auf Heiligland. 1822 Welcher ist mein Vetter. 1825 Die Briefe. 1825 Der König und der Künstler. 1825 Der Oberrock. 1825 Staatspapiere. 1827 Bürgertreue. 1828 König Kanut. 1829 Neunhundert neun und neunzig und noch etliche Almanachs-Lustspiele durch den Würfel. Almanach dramatischer Spiele für die Jahre 1829 bis 1961. 1829 Einer für Drei. 1830 Adlev der vierte, der Held von der Schauenburg. 1832 Der Geblendete. na Bulwer un de Planard, 1836
Översett
Pedro Calderon de la Barca: Der Maler seiner Schande (El pintor de su deshonra, 1827) Jules-Henri Vernoy de Saint-Georges: Der Förster (L'Âme en peine (L'Âme jalouse), 1847)
He hett ok en Reeg annere Warken vun Pedro Calderon de la Barca un vun Walter Scott, George Gordon Byron, William Shakespeare, Frederick Marryat, Anna Eliza Bray, Thomas Colley Grattan un Benjamin Disraeli ut dat Engelsche, Spaansche un Franzöösche översett.
Kiek ook bi
List vun plattdüütschen Schrievers
Weblenken
Kategorie:Mann Kategorie:Schriever Kategorie:Plattdüütsch Kategorie:Boren 1785 Kategorie:Storven 1850