Brunke (ok Bruntje) is en plattdüütschen Vörnaam för Jungs/Deerns.
Herkamen De Naam kümmt vun Naams mit den Stamm „Brun-“, as Brunold (ut „Brun-“, bruun un „waltan“, togange ween). De Naam bedutt denn so veel, as „De is mit brune Haar unnerwegens“, oder „De löppt mit brune Haar rüm“.
De plattdüütsche Naam De Naam Brunold oder annere Naams mit Brun- sünd afkört wurrn un dor is denn bloß noch de eerste Sülv bi nableven: Brun. Dor is de Naam Brune oder Brüne oder ok Brun un Bruno vun maakt wurrn. As dor en Smusenaam vun maakt weern scholl (Lütt Brüne), dor is achtern an den Naam to'n Lüttjer maken dat Diminutiv-Suffix -ke anbackt wurrn. Denn keem dor Bruneke bi rut. Dat is later afslepen to Brunke. Noch later keem as Anbacksel to'n Lüttjer maken dat -tje achtern an. Denn heet de Naam miteens Bruntje oder Brüntje.
Plattdüütsche Tonaams Ut den Vörnaam sünd denn de plattdüütschen Tonaams Brunken, Brunsen un Brünjes vun maakt wurrn. De bedüüt denn so veel, as Ut Brünje/Brunke siene Familie oder Vun Brünje/Brunke sien Hoff
Kiek ok bi Brüne (Vörnaam) List vun plattdüütsche Vörnaams
Weblenken
Kategorie:Vörnaam för Jungs Kategorie:Plattdüütsch