Alessandro Ballan (* 6. November 1979 in Castelfranco Veneto) is en italiensch Radrennfohrer.
Karriere Ballan wurr 2004 eerst mit 24 Johr Profi bi Lampre. To de Saison 2005 bleev he denn in de neeformeert Kader vun Lampre-Caffita un kunn en paar Etappen bi lüttgere Rennen winnen. Domols weer he meest as Anfohrer för Daniele Bennati insett. In dat Johr kunn he bi de Flannern-Rundfohrt all glieks ok en sössten Platz beleggen.
To’n Anfang vun dat Johr 2006 gewunn he sein eerst Eendagsrennen, de Trofeo Laigueglia, un 2007 sien eersten Klassiker, de Flannern-Rundfahrt, wat hüm de Binaam Danser up dat Koppsteenplaster inbrocht hett. 2008 kunn he bi Paris-Roubaix den 3. Platz, un en Etappensieg bi de Vuelta a España infohren. Sien gröttsten Erfolg harr he aber an dat Enn’ vun de Saison, as he bi de Weltmeesterschap in Varese (Italien) Weltmeester wurrn de un dormit Paolo Bettini aflööst hett.
Bi en swooren Trainingsunfall in' Dezember 2012 hett he sück dree Rierbns braken un den Böverschenkel düppelt. Dorto keemen noch tallriek binnere Versehren, so dat hüm in en Operatschoon ok de Milz rutnommen wurrn muss. De versehrt linke Niere kunn he aber hollen.
Erfolge 2005 Deelstreckensieg Eneco Tour
2006 Trofeo Laigueglia
2007 Dree Daag vun De Panne Flannern-Rundfohrt Vattenfall Cyclassics
2008 Deelstreckennsieg Vuelta a España Straaten-Weltmeester
2009 Gesamtwertung un een Deelstreck Polen-Rundfohrt
2012 Mannschapstietfohren Giro del Trentino Giro di Toscana een Deelstreck Eneco Tour
Kategorie:Mann Kategorie:Börger von Italien Kategorie:Radrennfohrer (Italien) Kategorie:Boren 1979