duum|Sarkissjan in’n portrait Sersch Asati Sarkissjan (; * 30. Juni 1954 in Stepanakert, Bargkarabach) is en armeenschen Politiker. Hüdigendags is he de Staatspräsident vun Armenien.
Sien Weg as Politiker Offiziell warrt seggt, dat Sarkissjan vun 1970 bit 1978 an de philoloogsche Fakultät vun de Staatliche Universität in Eriwan studeert hett. Ünnerbraken weer düsse Tiet dör sien Deenst bi'n Militär vun 1972 bit 1974. Na sien Studium hett he as Funktschonär vun de KPdSU un vun de Jugendorganisatschoon Komsomol in Stepanakert (Xankəndi) un in ganz Bargkarabach arbeit'. Sarkissjan hett mitmaakt bi den Striet üm de Unafhängigkeit vun Bergkarabach vun Aserbaidschan. Bergkarabach weer tomeist vun Armeniers bewohnt. Vun 1989 bit 1993 weer he Baas vun de so nömmten „Strietkräft to'n Süms-Verdeffendeern“ in de Republiek Bargkarabach. Bovenhen weer he vun 1990 bit 1993 Afordenten vun dat Parlament vun Armenien. In't Johr 2004 is he Präsident vun den Schachspeelverband vun Armenien wurrn.Historie vun den armeenschen Schachverband (engelsch)
1993 is he Minister för't Verdeffendeern in Armenien wurrn. Dat hett he bit 2007 maakt. In'n März 2007 is he Ministerpräsident vun Armenien wurrn. Dat is he bit April 2008 bleven. In'n Februar 2008 is he to'n Nafolger vun Staatspräsident Robert Kotscharjan wählt wurrn.http://www.n24.de/news/newsitem_362273.html Ofschoonst Tokiekers vun de OSZE seggt hefft, bi de Wahlen weer in'n Groten un Ganzen allens fair aflopen, hett de annere Kannedat, dat weer Lewon Ter-Petrosjan meent, dor weer bannig bi schummelt wurrn un dor möss noch mol nee wählt weern. He hett siene Anhängers to Demonstratschonen upropen. An'n 1. März 2008 is en Massendemonstratschoon mit Gewalt uplööst wurrn.http://www.newsru.com/world/01mar2008/sd.html NEWSru.com: В Ереване полиция разогнала митинг оппозиции An'n 9. April 2008 hett he sien Eed as Staatspräsident vun Armenien afleggt.
In'n September 2008 hett he vun sik höörn laten, as he as eersten Staatspräsidenten vun de Törkei sien Kollegen Abdullah Gül na Eriwan inlaadt hett. Grund weer dat Footballspeel twuschen Armenien un de Törkei. Sarkissjan hett mit Gül doröver snackt „wie dat gahn schall, dat de beiden Länner, de so lang in Striet un Fiendschop leevt hefft, nu bilüttjen normol mit'nanner ümgahn könnt“. Bremer Nachrichten: Auf der Tribüne siegt die Freundschaft- Besuch des türkischen Präsidenten Gül beim armenischen Amtskollegen beendet diplomatische Eiszeit, 8. September 2008 Düsse Besöök warrt as en histoorsche Reis ankeken.
Privat Sarkissjan is verheiraat’ mit Rita Aleksandri Sarkissjan (* 6. März 1962) un hett twee Kinner, dormank de Dochter Satenik (* 17. August 1986).
Weblenks
Websteed vun de Regeerung vun Armenien (armeensch, engelsch, russ'sch)
Borns
Kategorie:Politiker (Armenien) Kategorie:Mann Kategorie:Börger von Armenien Kategorie:Schach Kategorie:Staatschef in't Amt Kategorie:Armeniers Kategorie:Boren 1954