thumb|Barack Obama, 2012 Barack Hussein Obama, Jr. (* 4. August 1961 in Honolulu, Hawaii) is en US-amerikaanschen Politiker (Demokraatsche Partei) un Afkaat. He is bi de Präsidentenwahl an'n 4. November 2008 to’n 44. Präsidenten vun de USA wählt wurrn. He weer vun 2009 bit 2017 de 44. Präsident vun de USA. He is de eerste afroamerikaansche Präsident in de Geschicht vun de USA.

In dat Johr 2004 is he för Illinois in den Senat wählt wurrn. Upstünds In is he de enkelt afroamerikaansche Senator.U.S. Senate Historical Office: Breaking New Ground: African American Senators (2007-12-26)

An’n 10. Februar 2007 hett he in Springfield (Illinois) künnig maakt, dat he för de Wahl to’n Präsidenten antreden will. He hett sik denn eerst mol in de Vörwahlen gegen Hillary Clinton dörsetten mösst. An’n 3. Juni 2008 harr he dat schafft. Dor harr he de nödigen Afordenten tosamen, dat he bi dat Upstellen vun den Kannedaten vun siene Partei de Mehrheit kriggt.Obama claims Democratic nomination, Meldung auf msnbc.msn.com vom 3. Juni 2008, afropen an'n 4. Juni 2008 MESZ.CNN projects Obama clinches nomination, mellt up cnn.com an’n 3. Juni 2008, afropen an’n 4. Juni 2008 MESZ. Bi de Präsidentenwahlen güng dat denn gegen John McCain vun de Republikaners. An’n 27. August is Barack Obama vun de Afordenten vun de Demokraatsche Partei offiziell to’n Präsidenten-Kannedaten utropen wurrn. He is dor de eerste Afroamerikaner mit, de för een vun de beiden groten Parteien in de USA in dat Witte Huus intrecken deit.Obama makes history as Democratic nominee, CNNpolitics.com, 28. August 2008 An’n 23. August hett Obama künnig maakt, dat he Joe Biden to'n Viezpräsidenten maken will. Biden is de Senior-Senator ut Delaware.Barack has chosen Joe Biden to be his running mate!

För sien diplomaatsche Möh, de sik Obama in sien Amt maakt, üm de Minschen op de Welt to mehr Verstahn ünner’nanner to bewegen, is he vun dat Nobel-Komitee in Oslo 2009 mit den Fredensnobelpries uttekent worrn. Obama steiht nipp un nau vör de Standpunkten, för de dat Komitee al siet mehr as hunnert Johren warven de„Wie die Jury den Nobelpreis für Obama begründet“, Naricht op Spiegel-online.de afropen an’n 9. Oktober 2009.

Leven Kinnertiet un Jugend thumb|right|Honolulu un Waikiki Barack Obama is in Honolulu boren. Siene Öllern weern Stanley Ann Dunham (1942-1995) un Barack Obama Senior (1936-1982). Siene Mudder weer ene witte US-Amerikaansche ut Wichita, Kansas, de Vadder höör to dat Luo-Volk un keem ut Alego in Kenia.Die Welt Ein schwarzer John F. Kennedy? Zitat: „Sein Vater Barack Hussein Obama war ein Gaststudent, seine Mutter eine Weiße aus Kansas.“ – afropen an’n 17.01.07

De Öllern hefft sik kennenlehrt as Studenten an dat East-West-Center vun de Universität vun Hawaii in Manoa. 1963 hefft de Öllern sik scheden laten. De Vadder hett an de Harvard University fudder studeert. De Mudder freet’ en Studenten The Sunday Times, timesonline vom 28. Januar 2007 ut Indonesien, de is later Öölmanager wurrn. Mit ehren Söhn is se dorüm na Jakarta hentagen, dat weer ehrn Mann sien Heemat. Veer Johr lang hett Obama dor de School besöcht. Vun 1967-1970 weer he up en kathoolsche School, 1970/71 besöch he en Staatsschool, de mehr vun’n musliemschen Gloven präägt weer. In Jakarta is siene Halfsüster Maya boren. Ok vun sien Vadder siene Siet hett Obama en Reeg vun Halfgeswister, dormang en Süster, de in Heidelbarg studeert hett.Roger Cohen: The Obamas of the world, nytimes.com von’n 6. März 2008, afropen an’n 18. Mai 2008. Sien Vadder hett Obama 1971 to’n lesten Mol sehn, dor weer he 10 Johre oolt.http://www.washingtonpost.com/wp-dyn/content/story/2007/12/13/ST2007121301893.html

1971 kehr Obama torüch na Hawaii. Dor is he bi siene Grootöllern Madelyn un Stanley Durham uptagen wurrn. Se hefft em up de Privaatschool „Punahou School“ geven, de in en goden Roop stünn. Dor hett he 1979 sien High-School-Afslut „mit Utteken“ schafft.

Studium un Beroop thumb|right|Austin Hall vun de Harvard Law School

Barack Obama hett twee Johren an dat „Occidental College“ in Los Angeles studeert. 1981 güng he an de „Columbia University“ in New York City. 1983 möök he sien Bachelor in Politikwetenschoppen. Dor güng dat besunners um Internatschonale Tosamenhäng. Dorna hett he een Johr för de Business International Corporation in New York arbeit’. Dat is en Ünnernehmen vun Weertschopsraatgevers. 1985 möök he sik up na Chicago. Dor arbeit’ he bi en gemeennüttige Organisatschoon, de Karkengemeenden hulpen hett, de Inwahners vun povere Stadtviddels wedder an Arbeit to bringen.University of Chicago Law School,

Achterna studeer he noch mol dree Johr lang Juristeree an de Harvard University. Dor is he as eersten Afroamerikaner to’n Präsidenten vun de Fachtiedschrift Harvard Law Review wählt wurrn. 1991 hett he sien Jura-Dokter maakt un kreeg dor en magna cum laude för.

Obama güng 1992 torüch na Chicago un arbeit’ dor in de Afkaten-Sozietät Miner, Barnhill and Galland, de sik besunners mit Börgerrechten befaten dö. Bit he 2004 in den US-Senat wählt wurrn is, hett he bavendem noch „Recht vun de Verfaten“ an de rechtswetenschopliche Fakultät vun de University of Chicago lehrt. Chicago Sun-Times

Privatleven thumb|right|Michelle & Barack Obama

Siet 1992 is Barack Obama verheiraat mit Michelle Obama (*1964). Se hett, just so, as he süms, an de Harvard Law School studeert. Arbeiden deit se hüdigendags bi de apentliche Verwaltung vun Chicago. Kennenlehrt hefft se sik in de Afkatenkanzlei, wo Michelle na ehren Afsluss 1988 arbeit’ hett. As Barack in düsse Kanzlei sien Praktikum möök, dor weer em Michelle as Tutorsche an de Siet stellt. De beiden hefft tohopen twee Döchter. Barack Obama leevt mit siene Familie in Chicago.http://obama.senate.gov/about/http://www.suntimes.com/news/metro/221458,CST-NWS-mich21.article

As he süms seggt, is he nich in en Karkengloven uptagen wurrn. Man vun sien Tied in Chicago af an höör he doch to de Trinity United Church of Christ to. In de Tied vun sien Wahlkampf is he dor avers wedder uttreden.http://www.ucc.org/news/barack-obama-candidate.html epd: Barack Obama tritt aus umstrittener Kirche aus

US-Präsidentenwahlen In de heele US-Natschoon weer an'n 4. November 2008 Wahldag. Dor hefft Obama un Joe Biden vun de 538 Wahllüüd vun dat Wahllüüd-Gremium opminnst 349 bi kregen. För McCain un Palin staht bloot 163 Wahllüüd praat. In Perzenten hefft 52% vun de Wählers för Obama un Biden afstimmt un 46 Perzent hefft ehr Krüüs för McCain un Palin maakt.CNN: Wat bi de US-Wahlen rutkamen is, 5. November 2008

Dor is dat ungefähr so mit kamen, as dat vörutseggt wurrn weer. De meisten Ümfragen in de USA hefft vun de Finanzkrise af an dormit rekent, dat Obama un Biden mit veer bit 12 Perzent vörn liggen schollen. Obama hett al Bundsstaten wunnen, wo 2004 John Kerry wunnen harr, man he hett ok allerhand Staten achter sik kregen, de 2004 noch up George W. Bush siene Siet stünnen, dormang Virginia un Indiana. Dor harrn siet Johrteinten bloot jummers de Republikaners wunnen. Ok de wichtigen Swing States New Hampshire, Ohio, Pennsylvania un Florida hefft 2008 för Obama afstimmt. In düsse Staten geiht dat mol so un mol so mit de Republikaners un de Demokraten.

An'n 15. Dezember 2008 hefft de 538 Wahllüüd den Böversten vun de USA offiziell wählt. Obama hett dor 365 Stimmen bi afkregen. Dor weer he mit wählt. Sien Eed hett Obama denn an'n 20. Januar 2009 afleggt.

2012 hett he dat schafft, nochmal weer wählt to wurrn. Ditmal kunn he sück düütlich gegen den republikaanschen Kandidaten Mitt Romney dörsetten.

Utteknungen 2009: Nobelpries för den Freden

Böker över Barack Obama Markus Günther: Barack Obama: Amerikas neue Hoffnung. Wißner-Verlag, Augsborg 2007, ISBN 978-3-89639-620-4. Christoph von Marschall: Barack Obama: Der schwarze Kennedy. Orell Füssli, Zürich 2007, ISBN 978-3-280-06108-4. Christian Blees und Christoph von Marschall: Barack Obama. Audiobook, Freiborg 2008, ISBN 978-3-89964-307-7.

Up Platt is nix över Barack Obama rutkamen.

Henwiesen

Weblenken

Barack Obama sien Websteed in’n Wahlkampf üm dat Präsidentenamt (engelsch) Obama siene Websteed vun’n US-Senat (engelsch) Barack Obama: A Look at the 2004 DNC Keynote Speaker Who Could Become One of the Only Black Senators in U.S. History (Bidrag von’n 15. Juli 2004, engelsch) Porträt in: New Yorker (engelsch) Obamas Grundsatzreed bi de Democratic National Convention 2004 (engelsch as RealVideo, RealAudio, oder MP3) Tobias Jaecker: Obama-mania in Amerika – Porträt up telepolis (25.10.2006, hoochdüütsch) Sie nennen ihn Kennedy (Porträt in de „Zeit“, 02.11.2006, hoochdüütsch) Wolf Lepenies, USA: Kann Barack Obama es besser als Hillary Clinton? („Die Welt“, 21. Januar 2007, hoochdüütsch) Obama siene ganze Reed in Berlin (engelsch)

Kiek ok bi List vun de Präsidenten vun de USA

Kategorie:Mann Kategorie:Hawaii Kategorie:Demokraatsche Partei (USA) Kategorie:US-Senator Kategorie:Freedensnobelpries Kategorie:Jurist Kategorie:Boren 1961