Richard Harris (* 1. Oktober 1930 in Limerick, Irland; † 25. Oktober 2002 in London, Grootbritannien; an sik Richard St. John Harris) weer en irischen Schauspeler.
Leven Richard Harris hett en Jesuitencollege besöcht, woneem he sik as en goden Rugby-Speler wiest hett. Dat seeg ut, as künn he woll en grote Karriere as Sportler maken, man denn is he an Tuberkuloos krank worrn un müss al fröhtietig sien Droom vun Sport opgeven.
Nadem Harris de London Academy of Music and Dramatic Art besöcht harr weer he siet de 1960er Johren Liddmaat vun de Royal Shakespeare Company in Stratford-upon-Avon in England. Sien gröttsten Wunsch weer, eenmol den Hamlet to spelen, man ok dissen Droom künn he nienich wohrmaken. Dat keem ’n beten anners, nadem he in den Feernsehfilm The Iron Harp un gliek achteran in Alive and Kicking mitspeelt het. Dormit hett he den Grundsteen leggt för en düchtige Kinoloopbahn.
Noch in’t glieke Johr, 1959, hett he an de Siet vun den Hollywoodstar Gary Cooper in den Film The Wreck of the Mary Deare mitspeelt. Na Rullen in Filmen as The Guns of Navarone an de Siet vun Gregory Peck oder Mutiny on the Bounty mit Marlon Brando is Harris as Hööftdorsteller vun de 1963 rutkamen Film This Sporting Life för den Oscar nomineert worrn, för den he 1963 ok bi’t Cannes Film Festival mit den Dorstellerpries uttekent worrn is. 1967 weer he bi de 39. Oscar-Verlehen as Co-Moderater för den Dokumentarfilm-Pries mit dorbi.
Blangen sien Karriere as Schauspeler harr Richard Harris aver ok Spood as Singer. 1968 hett he mit „A Tramp Shining“ sien eerste Schallplatt opnahmen. De dorut utkoppelte Single „Mac Arthur Park“ harr veel Spood un is över een Million mol verköfft worrn. Vun wegen sien Vermögen to singen, hett he ok en Rull in de Kinofaten vun dat Broadway-Stück Camelot, wo binnen he den König Artus speelt un sungen hett. In de düütschen Faten warrt he vun Reinhard Glemitz snackt un ok sungen.
To sien wieteren Filmen tellt The Molly Maguires vun 1970 mit de Musik vun Henry Mancini un ut dat glieke Johr A Man Called Horse, vun den dat 1976 noch een tweeten un 1982 en drüdden Deel geev. Wietere histoorsche Rullen hett he in Cromwell speelt, in den he de Titelrull harr, as ok in Robin and Marian wo he as König Richard Lövenhart to sehn weer.
In de folgenden Johrteihnten hett he noch an vele Filmklassikers mitarbeit bit he in’t Johr 2000 in den Film Gladiator vun Ridley Scott den Kaiser Marc Aurel speelt hett un opletzt de Rull vun Professer Albus Dumbledore in de eersten beiden Filmen vun Harry Potter-Reeg. De Rull harr he övernahmen, wieldat sien Enkeldochter em drauht hett, dat se nienicht wedder mit em snacken wull, wenn he dat nich maken de. Richard Harris is 2002 twee Daag för de US-amerikaanschen Premiere vun den tweeten Deel an Krebs dood bleven. Bit to’n Enn hett he verkloren laten, dat he ok för den drüdden Deel wedder för de Kamera stahn wull ahn Acht op sien Krankheit. Sien Asch is in de Neeg vun sien Huus op de Bahamas verstreiht worrn.
Harris weer vun 1957 bit 1969 mit Elizabeth Rees verheiraadt. Se hebbt tosamen dree Söhns: den Speelbaas un Dreihbookschriever Damian Harris (*1958), un de Schauspelers Jared Harris (*1961) un Jamie Harris (*1963). In tweete Eh weer he vun 1974 bit 1982 mit de US-amerikaanschen Schauspelersche Ann Turkel verheiraadt.
Filmografie (Utwahl) Johr Titel Synchroonsnacker 1959 Alive And Kickingdt.: Munter und lebendig 1959 The Wreck of the Mary Dearedt.: Die den Tod nicht fürchten Klaus Miedel 1960 The Terrible Beautydt.: Aufstand im Morgengrauen Horst Niendorf 1961 The Long and the Short and the Talldt.: Sieben gegen die Hölle Michael Christian (2. Synchro) 1961 The Guns of Navaronedt.: Die Kanonen von Navarone 1962 Mutiny on the Bountydt.: Meuterei auf der Bounty Horst Niendorf 1963 This Sporting Lifedt.: Lockender Lorbeer Horst Niendorf 1964 Il deserto rossodt.: Die rote Wüste Reinhard Glemnitz 1965 Major Dundeedt.: Sierra Charriba Reinhard Glemnitz 1965 The Heroes of Telemarkdt.: Kennwort „Schweres Wasser“ Horst Niendorf 1966 The Bible: In the Beginning…dt.: Die Bibel Stefan Wigger 1966 Hawaii Heinz Petruo 1967 Caprice Michael Chevalier 1967 Camelotdt.: Camelot – Am Hofe König Arthurs Reinhard Glemnitz 1970 The Molly Maguiresdt.: Verflucht bis zum jüngsten Tag Michael Chevalier 1970 Cromwelldt.: Cromwell – Der Unerbittliche Reinhard Glemnitz 1970 A Man Called Horsedt.: Ein Mann, den sie Pferd nannten Claus Biederstaedt 1971 Bloomfield Christian Marschall 1971 The Snow Goose, Feernsehfilm 1971 Man in the Wildernessdt.: Ein Mann in der Wildnis 1973 The Deadly Trackersdt.: Bis zum letzten Atemzug Klaus Kindler 1974 99 and 44/100% Deaddt.: König Ballermann 1974 Juggernautdt.: 18 Stunden bis zur Ewigkeit Klaus Kindler 1976 Echoes of a Summerdt.: Echos eines Sommers 1976 Robin and Mariandt.: Robin und Marian Harald Leipnitz 1976 The Return of a Man Called Horsedt.: Der Mann, den sie Pferd nannten – 2. Teil Klaus Kindler 1977 The Cassandra Crossingdt.: Treffpunkt Todesbrücke Michael Chevalier 1977 Gulliver’s Travelsdt.: Gullivers Reisen Reinhard Glemnitz 1977 Orcadt.: Orca, der Killerwal Michael Chevalier 1977 Golden Rendezvousdt.: Rendezvous mit dem Tod Jochen Schröder 1978 The Wild Geesedt.: Die Wildgänse kommen Michael Chevalier 1979 Ravagersdt.: Zum Überleben verdammt Michael Chevalier 1979 A Game for Vulturesdt.: Spiel der Geier Klaus Kindler 1980 The Last Worddt.: Fort Travis Holger Hagen 1981 Tarzan, the Ape Mandt.: Tarzan, Herr des Urwalds Michael Chevalier 1981 Your Ticket Is No Longer Valid 1982 Triumphs of a Man Called Horsedt.: Triumph des Mannes, den sie Pferd nannten Michael Chevalier 1982 Highpointdt.: Am Highpoint flippt die Meute aus Michael Chevalier 1984 Martin’s Day dt.: Flucht zurück 1990 King of the Winddt.: König der Winde Klaus Kindler 1990 The Fielddt.: Das Feld Gert-Günther Hoffmann 1992 Patriot Gamesdt.: Die Stunde der Patrioten Michael Chevalier 1992 Unforgivendt.: Erbarmungslos Gert-Günther Hoffmann 1993 Wrestling Ernest Hemingwaydt.: Walter & Frank – Ein schräges Paar Michael Chevalier 1994 Silent Tonguedt.: Schweigende Zunge Michael Chevalier 1994 The Bible: Abraham, Feernsehfilmdt.: Die Bibel – Abraham Joachim Kerzel 1995 The Great Kandinsky 1996 Trojan Eddie 1997 Smilla’s Sense of Snowdt.: Fräulein Smillas Gespür für Schnee Gert-Günther Hoffmann 1997 The Hunchback, Feernsehfilmdt.: Der Glöckner von Notre Dame Michael Chevalier 1997 This Is the Sea 1999 To Walk with Lionsdt.: To walk with Lions – Jagd in Afrika 2000 Gladiator Werner Ehrlicher 2001 My Kingdom 2001 Harry Potter and the Sorcerer’s Stonedt.: Harry Potter und der Stein der Weisen Klaus Höhne 2002 The Count of Monte Cristodt.: Monte Cristo Michael Chevalier 2002 Harry Potter and the Chamber of Secretsdt.: Harry Potter und die Kammer des Schreckens Klaus Höhne 2002 San Giovanni - L’apocalissedt.: Die Bibel – Die Apokalypse Werner Ehrlicher
Utteken Richard Harris is för sien Filmarbeiten för tosamen eenuntwintig Filmpriesen vörslahn worrn, dorünner twee mol för den Oscar in de Kategorie Best Hööftdorsteller, eenmol 1964 för This Sporting Life un denn noch mol 1991 för The Field. An sien Andenken is 2002 de Richard Harris Award in’t Leven ropen worrn, den he na sien Dood as eerste Priesdräger verleht kregen hett. Wunnen hett de Schauspeler teihn Priesen:
1963: den Pries för den besten Schauspeler vun’t Cannes Film Festival för This Sporting Life. 1968: den Golden Globe in de Kategorie Best Hööftdorsteller – Kummedie oder Musical för Camelot. 1971: den Bronze Wrangler vun de Western Heritage Awards för A Man Called Horse. 1971: den Pries vun’t Moscow International Film Festival för Cromwell. 1993: den Bronze Wrangler vun de Western Heritage Awards för Unforgiven. 2000: den Sünnerpries för’t Levenswark vun de European Film Awards. 2000: den Sünnerpries för’t Levenswark vun’t Wine Country Film Festival. 2001: den Sünnerpries för’t Levenswark vun de Empire Awards. 2001: den Dilys Powell Award vun de London Critics Circle Film Awards. 2002: den Richard Harris Award vun de British Independent Film Awards.
Weblenken
The Round Table – en internatschonal Richard-Harris-Fansiet Naroop op R. Harris vun G. Seeßlen, www.filmzentrale.com
Kategorie:Börger von Irland Kategorie:Mann Kategorie:Schauspeler Kategorie:Engelsch Kategorie:Boren 1930 Kategorie:Storven 2002