Dat Bartonium (afkört: Barton) is in de Geologie de drüdde Stoop vun’t Eozän. In afsluut Tallen weer disse Stoop vun 40,4 (±0,2) bit 37,2 (±0,1) Millionen Johr vör de hüütige Tiet. Dat Bartonium folg op dat Lutetium. Dorna kummt dat Priabonium.
Naam Nöömt is dat Bartonium na de Oortschap Barton-on-Sea, de vundaag en Stadtdeel is vun New Milton, in Hampshire, Grootbritannien. Na dissen Oort sünd ok de Barton-Schichten nöömt worrn, de in de Neeg opslaten sünd. De Stoop un de Naam weern 1857 vun Karl Mayer-Eymar vörslahn.
Definitschoon De Anfang vun de Stoop fallt mit dat eerste Vörkamen vun de kalkige Nanoplankton-Oort Reticulofenestra reticulata tosamen. Se ennt mit de kalkigen Nanoplankton-Oort Chiasmolithus oamaruensis, wat gliekbedüden is mit de Basis vun de Nanoplankton-Zoon NP18.
Literatur Felix Gradstein, Jim Ogg, Jim & Alan Smith: A Geologic timescale. Cambridge University Press 2004 ISBN 9780521786737 Karl Mayer-Eymar: Tableau synchronique des formations tertiaires d’Europe. 3. Opl., Zürich 1857. Hans Murawski & Wilhelm Meyer: Geologisches Wörterbuch. 10., nee bearb. u. w. Opl., 278 S., Enke Verlag, Stuttgart 1998 ISBN 3-432-84100-0.
Weblenken Düütsche Stratigraafsche Kommisschoon (Rgv.) (2002): Stratigraphische Tabelle von Deutschland 2002. ISBN 3-00-010197-7 - PDF (Groot) GeoWhen Database Norges Network of offshore records of geology and stratigraphy
Kategorie:Eerdtietöller