Lothar "Emma" Emmerich (* 29. November 1941 in Düörpm-Dorstfeld; † 13. August 2003 in Hemer) weer en düütsch Footballspeler.
Anfungen is he mit Football in Dorstfeld bi SC Dorstfeld 09 un is denn nah Borussia Dortmund wesselt. För disse Vereen hett he in de Football-Bundsliga 183 mal speelt un dorbi 115 Doren schaaten. Blots Gerd Müller vun Bayern München weer beter.
Sien Vereens as Speler
1960 - 1969 Borussia Dortmund 1969 - 1972 K.Beerschot VAC, hüüd Germinal Beerschot Antwerpen 1972 - 1974 Austria Klagenfurt 1974 - 1976 1. FC Schweinfurt 05 1976 - 1977 FV Würzburg 04 1977 - 1978 Würzburger Kickers.
Wiels he so völ Doren schaten harr, hebbt se hüm ok in de düütsche Natschonalmannschap spelen laten. Dor harr he aber immer Siegfried Held un Reinhard Libuda as Konkurrenten, so dat he blots up 5 Lännerspelen kamen is. Mit de düütsch Mannschap is he 1966 aber ok Viezweltmeester wurrn. In en Vörrundenspeel tegen Spanien, hett he en Door ut derart spitzen Winkel schaaten, dat sück all wunnert hebbt, dat de in’t Door gahn is. Dat hett hüm den den Ökelnaam Emma mit der linken Klebe inbrocht.
Nah sien aktiv Loopbahn weer he denn ok noch Trainer in Idar-Oberstein un bi SG Weinsheim.
He is an Lungenkrebs storven.
Weblenken BVB Fanzine Die Kirsche
Kategorie:Mann Kategorie:Footballnatschonalspeler (Düütschland) Kategorie:Footballtrainer Kategorie:Boren 1941 Kategorie:Storven 2003 Kategorie:Börger von Düütschland