thumb|right|220px|Kurt Russell 2007 Kurt Vogel Russell (* 17. März 1951 in Springfield, Massachusetts) is en US-amerikaanschen Schauspeler. As Kind un jungen Kerl stünn he in Feernsehserien vör de Kamera. Bekannt worrn is he as Enkelwarker, de nich veel snacken deit, in den futuristischen Actionfilm Escape from New York vun 1981.
Leven Kurt Russell is de Söhn vun den Schauspeler Bing Russell. Sien Kino-Karriere füng an mit den Elvis-Presley-Film It Happened at the World’s Fair in’t Johr 1963, man in’n Afspann weer he nich nöömt. Al söss Johr vörher weer he in de Feernsehreeg Sugarfoot to sehn. Mit twölf Johren harr he sien eersten groten Optritt mit de Rull vun’t Weetkind Jamie in’n Feernsehwestern The Travels of Jaimie McPheeters. In de Serie, de op en Book vun Robert Lewis Taylor opboot, weern ok Dan O’Herlihy, Charles Bronson un de dormols noch teemlich jungen Osmonds to sehn.
Russell kreeg bald dorop en Verdrag över teihn Johr mit de Walt Disney Company, de em apenbor direkt vun Walt Disney anbaden worrn is. He speel dorophen in vele Disneyfilmen mit as Follow Me, Boys!, The Computer Wore Tennis Shoes oder The Strongest Man in the World. De meisten Filmen dorvun weern vun Robert Buttler inszeneert.
As sien Vadder al vör em, harr Kurt Russell twüschendör ok mol en korte Karriere as Baseballspeler. In de fröhen 1070er Johren speel he de tweete Base in de Jöögdliga-Utwahl vun de California Angels (hüüt: Los Angeles Angels of Anaheim). Man he müss sik 1973 ut den Sport torüchtehn, wieldat he sik an een Schuller en Sehr totogen harr. He hett sik denn wedder ganz un gor op de Schauspeleree konzentreert.
In de fröhen 1980er Johren hett he sik denn vun’n Kinnerstar to en bekannten un achten Action-Dorsteller maakt, nich toletzt wegen de Filmen vun John Carpenter as Escape from New York oder den Horror-Klassiker The Thing. Groten Spood harr he ok mit Big Trouble in Little China. Na dissen groten Spoodfilmen hett sik Russell an Kummedien versöcht as in Overboard un Tango & Cash, künn dormit aver nich an den fröheren Spood rankamen. Dorna hett he sik eerstmol mit Filmen mit weniger Anspröök över Water hollen. In de 1990er Johren harr he en Comeback mit Filmen as Backdraft oder Dark Blue. Bito speel he in den Film Stargate, de Optakt för de spoodrieke Feernsehreeg weer.
Familie Russel weer mit de Schauspelersche Season Hubley verheiraadt, de he 1979 op’n Set to den Film Elvis drapen harr. Mit ehr tohopen hett he sien Söhn Boston. Wiel de Scheden vun Hubley is he mit Goldie Hawn tosamen kamen, mit de he sietdem tohopen is. Heiraadt hebbt se nich, man se hebbt en Söhn, Wyatt Russell. Butendem hett Kurt Russel ok de Vadderplichten för Goldies Kinner ut ehr eersten Eh övernahmen, Oliver un Kate Hudson, de in de Twüschentiet sülvst Schauspelers sünd.
Russel is Liddmaat vun de Libertarian Party. Na sien egen Utkunft hett em dat dat Leven in Hollywood teemlich swor maakt. He is dorüm bald in na Aspen in Colorado ümtogen, woneem he sik as Schriever versöcht hett, to’n Bispeel an’t Dreihbook vun Escape from L.A.. In Februar 2003 sünd Russel un Hawn tohopen na British Columbia in Kanada togen, wieldat jemehr Söhn dor beter Ieshockey spelen künn.
Filmografie (Utwahl) Johr Titel Synchroonsnacker 1963 It Happened at the World’s Fairdt.: Ob blond, ob braun 1963-64 The Travels of Jaimie McPheeters, Feernsehreeg 1964 Guns of Diablodt.: …und knallten ihn nieder 1966 Follow Me, Boys!dt.: Vierzig Draufgänger 1969 Guns in the Heatherdt.: Das Geheimnisvolle Treffen in Boyne Castle 1969 The Computer Wore Tennis Shoesdt.: Superhirn in Tennisschuhen Marcel Collé (1995) 1971 The Barefoot Executivedt.: Der barfüßige Generaldirektor Ulrich Gressieker 1972 Now You See Him, Now You Don’tdt.: Es kracht, es zischt, zu seh’n ist nischt Uwe Paulsen 1973 Charley and the Angeldt.: Charley und der Engel Michael Deffert (Synchro 1993) 1973 Superdaddt.: Papa ist der Größte 1975 The Strongest Man in the Worlddt.: Der Retorten-Goliath Michael Nowka 1979 Elvis, Feernsehn Andreas Mannkopff 1980 Used Carsdt.: Mit einem Bein im Kittchen Michael Brennicke 1981 Escape from New Yorkdt.: Die Klapperschlange Manfred Lehmann 1982 The Thingdt.: Das Ding aus einer anderen Welt Manfred Lehmann 1983 Silkwood Manfred Lehmann 1984 Swing Shiftdt.: Swing Shift – Liebe auf Zeit Ekkehardt Belle 1985 The Mean Seasondt.: Das mörderische Paradies Joachim Tennstedt 1986 Big Trouble in Little China Joachim Tennstedt 1987 Overboarddt.: Overboard – Ein Goldfisch fällt ins Wasser Ulrich Gressieker 1988 Tequila Sunrisedt.: Tequila Sunrise – Eine gefährliche Mischung Michael Brennicke 1989 Winter Peopledt.: Winter People – Wie ein Blatt im Wind Manfred Lehmann 1989 Tango & Cash Manfred Lehmann 1991 Backdraftdt.: Backdraft – Männer, die durchs Feuer gehen Manfred Lehmann 1993 Tombstone Manfred Lehmann 1994 Stargate Manfred Lehmann 1996 Executive Decisiondt.: Einsame Entscheidung Manfred Lehmann 1996 Escape from L.A.dt.: John Carpenter’s Flucht aus L.A. Manfred Lehmann 1997 Breakdown Manfred Lehmann 1998 Soldier dt.: Star Force Soldier Manfred Lehmann 2001 3000 Miles to Gracelanddt.: Crime is King Manfred Lehmann 2001 Vanilla Sky Manfred Lehmann 2002 Dark Blue Manfred Lehmann 2005 Sky Highdt.: Sky high – Diese Highschool hebt ab! Manfred Lehmann 2006 Poseidon Manfred Lehmann 2007 Death Proof dt.: Death Proof – Todsicher Manfred Lehmann 2011 Touchback 2013 The Art of the Steal dt.: The Art of the Steal – Der Kunstraub Manfred Lehmann 2015 Furious Seven dt.: Fast & Furious 7 Manfred Lehmann 2015 Bone Tomahawk Eberhard Haar 2015 The Hateful Eight dt.: The Hateful 8 Manfred Lehmann 2016 Deepwater Horizon Manfred Lehmann 2017 Guardians of the Galaxy Vol. 2 Manfred Lehmann
Utteken Russel weer bit hüüt söven mol för Filmpriesen un Utteken nomineert, dorünner för den Golden Globe as Best Nevendorsteller in Silkwood un för den Emmy as Best Hööftdorsteller in Elvis. Wunnen hett Russel twee Priesen: 1997: den Blockbuster Entertainment Award as an’n leevsten sehn Dorsteller – Drama/Aventüer in Executive Decision 2003: den Pries för’t Levenswark vun de Academy of Science Fiction, Fantasy & Horror Films, USA Butendem hebbt de Disney Studios em 1998 to Disney-Legennen verkloort.
Weblenken
Kategorie:Mann Kategorie:Börger von de USA Kategorie:Engelsch Kategorie:Schauspeler Kategorie:Boren 1951