Mennan Yapo (* as Mennan YapiciogluDie Kinokritiker 1966 in München) is en düütschen Speelbaas, Filmproduzent un Schauspeler vun törkische Afkunft.
Leven und Wark Yapo is as Söhn vun törksch Öllern boren. He hett vun 1988 an verscheden Arbeiden in’t Filmgewarf maakt, toeerst op Assistenzsteden un in’n Marketing. 1995 füng he an Dreihböker to schrieven un Filmen to produzeeren, un af un to ok as Schauspeler in lütte Nevenrullen, as 1996 in Bettlektüre oder 2003 in Good Bye, Lenin!
As Speelbaas hett he to’n eersten mol 1998/99 arbeit. Sien eersten Film, de Kortfilm Framed, weer för den Düütschen Kortfilmpries vörslahn un weer op vele natschonale un internatschonale Festivals to sehn. Vun 2000 an hett he as Speelbaas an sien eersten ü.a. vun Tom Tykwer produzeerten Speelfilm Lautlos arbeit, de 2004 in de düütschen Kinos groten Spood harr un ok internatschonal vun de Kritik veel Acht funnen hett.
In’n März 2007 lööp sien eerste Hollywood-Produkschoon an mit dat Filmdrama Premonition an mit Sandra Bullock in de Hööftrull. De Kritiken weern in de USA nich so dull, man finanziell kann man vun Spood snacken.
Filmografie (Utwahl) Johr Titel Funkschoon 1996 The Pillow Bookdt.: Die Bettlektüre Dorsteller 1996 After Hours DreihbookProduzent 1999 Framed SpeelbaasProduzent 2003 Good Bye, Lenin! Dorsteller 2004 Lautlosint.: Soundless SpeelbaasDreihbook 2007 Premonitiondt.: Die Vorahnung Speelbaas 2013 Planet USA Produzent
Utteken Mennan Yapo weer 1999 för den Düütschen Kortfilmpries nomineert. 2004 hett he för sien Film Lautlos twee Utteken kregen: den Sünnerpries vun de Jury op dat Cognac Festival du Film Policier un den Platinum Award vun’t WorldFest Houston in de Kategorie Best Independentfilm – Spannung/Thriller.
Borns
Websteden
Kategorie:Mann Kategorie:Börger von Düütschland Kategorie:Speelbaas Kategorie:Filmproduzent Kategorie:Schauspeler Kategorie:Boren 1966