Rotary International is en internatschonale Organisatschoon, de sik tohopensett ut lokale Rotary Clubs. De Organisatschoon seggt süms, se hett sik vörnahmen, Basen ut verscheden Beropen un wichtige Lüde ut allerhand Geschäften tosamen to bringen, dat se in all Beropen dorför sorgen könnt, dat dat dor gerecht un anstännig togeiht. Bavenhen will Rotary dor bi hölpen, dat gode Willen un Freden in de ganze Welt upboot weern könnt.
Historie De eerste lokale Rotary serviceclub (so is de vullstännig Naam) is an'n 23. Februar 1905 in Chicago, Illinois in de USA upmaakt wurrn. De Afkaat Paul Harris hett em grünnt. Hüdigendags gifft dat Rotary Clubs in 165 Länner up de Welt mit tohopen 1,22 Mio. Liddmaten. De eerste nedderlannsche Club is 1923 in Amsterdam upmaakt wurrn, in Düütschland keem de eerste Grupp 1927 in Hamborg tostanne. In Bremen is de Club an'n 27. November 1931 grünnt wurrn.
De Naam De Naam Rotary (Dreihn) kümmt dor vun her, dat in'n Anfang de Drepen vun de Clubs in de Week över de Kantoren vun de Liddmaten hen wesseln (roteern) döen. Hüdigendags meent de Naam besunners, dat de Ämter in de Clubs vun Johr to Johr nee besett weert.
Aktschonen De Liddmaten weert dor to nödigt, sik mit veer Hööftaktschonen to befaten:
community service, dat Unnerstütten vun gode Telen. club service, dat Funktschoneren vun den egen Club international service, de Gemeenschop mit Clubs in annere Länner vocational service, dat Anpassen vun gerechte un anstännige Prinzipen in de egen Beroopsgrupp
Community service is de wichtigste Teel vun Rotary un de annern dree höört dor to un schöllt dat mööglich maken.
Bekannte Rotariers
De noch leevt
George W. Bush, Rotary Club vun Washington DC Jesse Helms, USA Soleiman Frangieh, Libanon Konosuke Matsushita, Japan
Al storven Koning Hassan II, Marokko Augusto Pinochet, Chile Prins Rainier III, Monaco König Boudewijn I, Belgien Prescott Bush, USA Neville Chamberlain, Eerste Minister, Birmingham, England Tom DeLay, USA Walt Disney, USA Franz Lehár, Öösterriek-Ungarn Charles Lindbergh, USA Prinz Bernhard, Nedderlannen Thomas Mann, Düütschland General Douglas MacArthur, USA Jean Sibelius, Finnland
Kategorie:Internatschonale Organisatschoon