En Verfaten (Verfåten, Verfatung, Verfassung) is en Rechtsdokument, op dat de Rechts- un Staatsordnung vun en Staat oder Deelstaat grünnt. In dissen Text steiht denn in, wie de Staat opboot is, de Rechten un Plichten vun de Börgers, wie dat Land opdeelt is in Liddstaten un wo dat Verhältnis vun Staat un Liddstaten un vun Staat to annere Staten is. De Staatsgewalten, de dör disse Verfaten insett sünd, mööt sik vull na disse Verfaten richten. Faken gifft de Verfaten ok wedder, wo sik de Staat för insetten will, wat siene Telen sünd. De Verfaten is dormit dat böverste Enn vun de Rechtshierarchie.
En Verfaten is normalerwies veel sworer to ännern as Gesetten (faken Twee-Drüddel-Mehrheit, wenn de Verfaten ännert warrn schall). De Regeln vun de Verfaten staht över alle annern Gesetten. Normalerwies gifft dat denn ok en besünner Gericht, dat oppassen deit, dat de Gesetten all na de Verfaten recht sünd.
Wenn en Staat en nee Verfaten opstellt, denn gifft dat mehrsttiets en Versammlung, op de de dorigen Afornten de Versammlung besnacken un besluten doot.
duum|Verfatung von dat Land Mäkelborg-Vörpommern Verfatens op Plattdüütsch
De fief Bundslänner vun de Küst hebbt jemehr Verfatens all ok in’t Plattdüütsche översett rutgeven.
Landesverfaten vun de Free Hansestadt Bremen. In't Plattdüütsche överdragen vun Carl V. Scholz. 2004ins-bremen.de Neddersassisch Verfaten. Helmuth Möhring, 1998 Neddersassisch Verfaten. In't Plattdüütsche överdragen vun Frerk Möller, 2006; Verfatung von dat Land Mäkelborg-Vörpommern. 5. Ännerung 2016landtag-mv.de Verfassung von de Friee un Hansestadt Hamborg. 1996 Verfåten vun de Friee un Hansestadt Hamborg in't Plattdüütsche överdrågen vun Bolko Bullerdiek un Dirk Römer. Landeszentrale für politische Bildung Hamburg. 2002 Verfaten vun dat Land Sleswig-Holsteen. Erich Andersen un Willy Diercks, Hans-Jochen Waak 2014; Wikimedia Commons Verfassung des Landes Schleswig-Holstein – Verfaten vun dat Land Sleswig-Holsteen. In't Plattdüütsche överdragen vun Erich R. Andersen, Willy Diercks un Hans-Jochen Waack. 2014–2016archive.org;
Borns
Kategorie:Recht