Heidi Mahler (* 31. Januar 1944 in Weih, Landkreis Horborg) is en düütsche Schauspelersche.
Leven un Wark Mahler is 1944 in Weih as Dochter vun Hans Mahler un Heidi Kabel boren. Ehr Öllern harrn dor en Feernhuus, in dat se in de Tied von’n Tweten Weltkrieg ünnerkamen weren. Opwussen is Mahler denn aver in Hamborg. 1961 is se an de Hoochschool för Schauspeel un billen Künst gahn un hett sik bi Eduard Marks utbillen laten. 1964 harr se denn ehre eerste Rull an’t Ohnsorg-Theater in dat Stück De vergnögte Tankstell. An’t Ohnsorg-Theater speelt se bet hüüt noch. Blangen dat Theaterspelen hett se ok faken Rullen bi’t Feernsehn hatt.
Se hett 2007 den Rolf-Mares-Pries för ehr Rull as Mudder Mews an’t Ohnsorg-Theater kregen.
Mahler weer vun 1981 af an bet 1985 in twete Eh mit’n Schauspeler Jürgen Pooch verheiraadt. Siet 1986 is se mit’n Speelbaas Michael Koch verheiraadt.
Ehrungen 2015: Biermann-Ratjen-Medaille
Filmografie (Utwahl) Johr Titel 1966 Kein Auskommen mit dem Einkommen, Feernsehn 1966 Nichts gegen Frauen, Feernsehn 1968 Otto und die nackte Welle 1969 Klein Erna auf dem Jungfernstieg 1973 Rund um Kap Horn, Feernsehn 1974 Für die Katz, Feernsehn 1978 Willems Vermächtnis, Feernsehn 1981 Hamburger Bier, Feernsehn 1982 Verteufelte Zeiten, Feernsehn 1988 Wieviel Liebe braucht der Mensch, Feernsehn 1989 Ein Mann ist kein Mann, Feernsehn 1992 Mutter und Söhne, Feernsehn 2004 Thea Witt macht nicht mit, Feernsehn 2007 Hände weg von Mississippi
Weblenken
Kategorie:Fru Kategorie:Schauspeler Kategorie:Plattdüütsch Kategorie:Hoochdüütsch Kategorie:Boren 1944 Kategorie:Börger von Düütschland