William Vance is it pseudonym fan de Belgyske striptekener William van Cutsem (8 septimber 1935, Anderlecht - 14 maaie 2018, Santander (Spanje)). Hy is benammen bekend as de tekener fan XIII (lês: trjettjin). De skriuwer fan dy rige is Jean Van Hamme.
Vance wie fan syn bernetiid ôf al hielendal fassinearre troch strips en benammen troch yllustrators dy't realistyske tekenigs makke. Hy studearre oan de Keninklike Akadeemje foar Skoandere Keunsten te Brussel, mar hy krige it tekenen pas goed yn 'e fingers doe't er it fak learde yn 'e reklamewrâld dêr't hy 6 jier trochbrocht ear't er him foargoed oan it meitsjen fan strips sette. Ut dy tiid stamt ek syn skûlnamme Vance ("Van C").
Yn 2005 krige Vance de Flaamske Kultuerpriis foar de Strip, better bekend as de Brûnzen Adhemar, by it stripfestival yn Turnhout. Vance wennet sels sûnt 1979 yn Spanje, earst yn Valladolid en letter yn Santander.
Publikaasjes 1962 - 1967: Om-ende-by 60 koarte ferhalen foar it wykblêd 'Kuifje'. 1964 - 1969: Howard Flynn 1965 - 1978: Ringo 1968 - 1982: Bruno Brazil 1968 - 1979: Bob Morane 1971 - 1972: Twa ferhalen dy't yn dy tiid net yn albumfoarm ferskynd binne, nammentlik XHG-C3 en Mongwy. Sûnt is XHG-C3 wol ferskynd. 1973 - 1983: Twa albums fan Roderik 1974 - 1983: Ramiro 1976 - 1986: Bruce J Hawker 1984 - 2007: XIII 1991 - 1993: Spin-off fan de rige Blueberry ûnder de haadtitel 'Marshal Blueberry'.
Kategory:Flaamsk striptekener Kategory:Persoan berne yn 1935 Kategory:Persoan stoarn yn 2018