Hindrik Kasimir II (De Haach, 18 jannewaris 1657 – Ljouwert, 25 maart 1696) wie fan 1664 oant 1696 foarst fan Nassau-Dietz en steedhâlder fan Fryslân en Grinslân.
Libben Hindrik Kasimir wie de âldste soan fan Willem Freark fan Nassau-Dietz en Albertine Agnes fan Nassau. Hy folge, ûnder fâdijskip fan syn mem, syn heit op as steedhâlder fan Fryslân en Grinslân. Yn 1675 ferklearren de Steaten fan Fryslân it steedhâlderskip erflik foar it Hûs Nassau-Dietz. Hindrik Kasimir waard dêrtroch de earste Fryske erfsteedhâlder. Lykas syn foargongers waard hy offisier yn it leger fan de Republyk, mar mei syn neef en oerbefelhawwer Willem III fan Oranje koe hy lykwols min oerwei. Yn 1674 rûn er sels oer nei de Frânsken. Hy soe weromkomme yn 1688 tidens de Njoggenjierrige Oarloch, en yn 1689 waard hy ta tredde fjildmaarskalk yn it Steatske leger beneamd. Doe't hy nei de dea fan Waldeck, de earste fjildmaarskalk, yn 1692 net syn posysje tadield krige, fielde hy him passearre en naam yn 1693 opnij ûntslach.
Hy waard as steedhâlder opfolge troch syn soan Johan Willem Friso.
Houlik en bern Hindrik Kasimir troude yn 1683 mei syn nicht Henriëtte Amalia fan Anhalt-Dessau (1666-1726). Ut dit houlik kamen njoggen bern: In betiid stoarne soan Henriëtte Albertine (1686-1754) Johan Willem Friso (1687-1711), boaske mei Maria Louise fan Hessen-Kassel (1688-1765) Maria Amalia (1689-1771) Sophia Hedwig (1690-1734), boaske mei hartoch Karel Leopold fan Mecklenburg-Schwerin (1678-1747) Isabella Charlotte (1692-1757), boaske mei Kristiaan fan Nassau-Dillenburg (1688-1739) Johanna Agnes (1693-1765) Louise Leopoldina (1695-1758) Henriëtte Casimira (1696-1738)
Kategory:Foarst fan Nassau-Dietz Kategory:Greve fan Katzenelnbogen Kategory:Greve fan Spiegelberg Kategory:Baron fan Beilstein Kategory:Baron fan Liesveld Kategory:Steedhâlder fan Fryslân Kategory:Steedhâlder fan Grinslân Kategory:Steedhâlder fan Drinte Kategory:Frysk generaal Kategory:Frysk politikus Kategory:Fryske adel Kategory:Dútske adel Kategory:Steatsk militêr yn de Njoggenjierrige Oarloch Kategory:Frysk persoan fan Deensk komôf Kategory:Frysk persoan fan Dútsk komôf Kategory:Frysk persoan fan Eastenryksk komôf Kategory:Frysk persoan fan Hugenoatsk komôf Kategory:Frysk persoan fan Litousk komôf Kategory:Frysk persoan fan Nederlânsk komôf Kategory:Frysk persoan fan Poalsk komôf Kategory:Hûs Nassau-Dietz Kategory:Persoan stoarn yn Ljouwert Kategory:Persoan berne yn 1657 Kategory:Persoan stoarn yn 1696