Genemuiden (Nedersaksysk: Gællemuun) is in stêd yn de gemeente Swartewetterlân yn de provinsje Oerisel. Genemuiden leit oan it Swarte Wetter en hat likernôch 10.000 ynwenners.
Skiednis Oan it begjin fan de jiertelling wie dêr in delsetting, dy't troch de Romeinen Navalia neamd waard. Om 500 hinne hie men it oer Gelmuda. Yn 1275 krige it plak stedsrjochten fan Jan fan Nassau, biskop fan Utert. Oant 2001 wie Genemuiden in selsstannige gemeente. Dêrnei gie it mei Hasselt en Swartslûs op yn de gemeente Swartewetterlân. Oant 2001 wie Genemuiden een selstannige gemeente, mei yngong fan 1 jannewaris 2001 is de gemeente Genemuiden opgien yn de fúzjegemeente Swartewetterlân.
Fearramp Op 8 maart 1922 fûn by Genemuiden in ramp plak op de rivier it Zwarte Water. By in slim needwaar sonk de fearpont fan Swartslûs nei Genemuiden. Alve minsken, wêrûnder de boargemaster en syn frou, ferlearen hjirby it libben. It tal ferwûnen is ûnbekend. Fierder fart der noch altyd in pont tusken Genemuiden en Swartslûs.
Berne yn Genemuiden Danny Rook (1971), tv-sjoernalist en -presintator Pieter de Vink (1941-2007), radio- en tv-sjoernalist en -presintator
Keppeling om utens Gemeente Zwartewaterland
Kategory:Plak yn Swartewetterlân Kategory:Eardere gemeente yn Oerisel