Baron Frederik Willem Jacob van Aylva van Pallandt (Aldwâld, 20 septimber 1826 - Putten, 27 jannewaris 1906) wie in Nederlânsk politikus.
Famylje Van Pallandt wie in lid fan de famylje Van Pallandt en in soan fan it Earste Keamerlid H.W. van Aylva baron van Pallandt, hear fan Waardenburg en Neerijnen (1804-1881), opperkeamerhear, en Constantia Catharina Wilhelmma van Scheltinga (1804 -1890). Hy troude yn 1856 mei Anna Frederica Evert barones fan Goltstein (1829 -1917); it pear krige gjin bern.
Karriêre Van Pallandt wie in Antyrevolúsjonêr Twadde Keamerlid (1884-1887) foar it distrikt Tiel. Hy ferklearre sels dat er ûngeskikt wie foar it Keamerlidmaatskip. Hy wenne op it kastiel Vanenburg by Putten en wie yn dy gemeente riedslid. Hy betanke yn 1883 foar in beneaming ta Earste Keamerlid, mar liet him yn 1884 wol oerhelje om Twadde Keamerlid te wurden. Hy fierde wol in pear kear it wurd, mar allinnich by ûnderwerpen fan net sa'n wichtich belang. Yn 1886 stimde er tsjin it foarstel om in parlemintêre enkête te hâlden nei de tastannen yn fabriken en wurkpleatsen.
Van Pallandt wie ek lid fan Provinsjale Steaten fan Gelderlân (1875 -1901).
Hoffunksjes Van Pallandt wie keamerhear fan keningin-widdo Anna Paulowna fan Ruslân (1849-1856) en keamerhear-seremoanjemaster fan kening Willem III fan de Nederlannen (1856 -1871). Oant 1871 wie er ek lid fan de Hofkommisje. Fan 1871 ôf wie er keamerhear y.b.t.
Underskiedingen Offisier yn de Oarder fan de Ikekroan Ridder yn de Oarder fan de Nederlânske Liuw Kommandeur yn de Oarder fan de Ikekroan
Kategory:Nederlânsk politikus Kategory:Twadde Keamerlid Kategory:ARP-politikus Kategory:Nederlânsk konservatyf Kategory:Nederlânske adel Kategory:Nederlânsk persoan fan Frysk komôf Kategory:Persoan berne yn Aldwâld Kategory:Persoan berne yn 1826 Kategory:Persoan stoarn yn 1906