Operation Amsterdam is in Britske kriichsfilm út 1959, regissearre troch Michael McCarthy. De haadrollen wurde fertolke troch Peter Finch, Eva Bartok, Tony Britton, Alexander Knox en Malcolm Keen.
It is basearre op it boek "Adventure in Diamonds", fan David E. Walker. It ferhaal giet oer Pinkstersnein en Pinkstermoandei (12-13 maaie) 1940 by de Dútske ynfal yn Nederlân. De komponist Philip Green komponearre twa orizjinele muzykstikken foar de film, de "Pierement Waltz" en de "Amsterdam Polka".
Plot
It ferhaal spilet him ôf yn de earste dagen fan de Twadde Wrâldkriich. De Dútske soldaten binne noch net sichtber oanwêzich, mar de besetting fan Nederlân liket net te kearen. Oeral binne soldaten fan it Nederlânske leger oanwêzich. Trije Britske soldaten wurde mei in Ingelske torpedoboat tusken de pieren yn IJmuiden en fierder mei in roeiboat oan de Fiskershaven oan wâl set. Sy moatte in grutte lading yndustriële diamanten feilich stelle foardat de Dútsers harren ynvaazje begjinne. Se krije help fan Anna, in frou dy't se rêde fan in besykjen ta selsmoard. De groep moat besykje om de Nederlânske plysje, dy't harren as fertocht sjocht, te ûntrinnen. Underwilens besiket in grutte kloft flechtelingen (foaral Joaden) mei fiskerboaten nei Ingelân te flechtsjen.
Eftergrûn De film is foar in part opnaam op lokaasje yn Amsterdam en de haven fan IJmuiden. Fierder binne opnamen makke yn de Pinewood Studios yn Buckinghamshire, Ingelân.
Rolferdieling haadrollen personaazje akteur/aktrise Jan Smit Peter Finch Anna Eva Bartok Majoar Dillon Tony Britton Walter Keyser Alexander Knox Johan Smit Malcolm Keen
byrollen personaazje akteur/aktrise Menschi (Johan's assistint)Petra Davieshanneler wurket mei JohanAlfred BurkeAlex (lieder fan it ferset)Christopher Rhodes Peter (Kreaker fan klûzen)Peter SwanwickKolonel JanssenJohn Le Mesurier Nederlânske luitenant Tim TurnerKommandant Bowerman John HorsleyWillem Melvyn HayesdiamanthannelersCarl Jaffe,Keith Pyott,Oscar Quitak,Karel ŠtěpánekKapitein fan in sleepboatFrederick Schiller Havenmaster George Pravdafoute plysjemanJohn Bailey
Keppelingen om útens Adventure in Diamonds — source novel
Kategory:Britske oarlochsfilm Kategory:Ingelsktalige film Kategory:Film út 1959 Kategory:Film oer de Twadde Wrâldkriich yn Jeropa en Afrika Kategory:Film basearre op in literêr wurk