Willem Jacob (Molly) Geertsema (Utert, 18 oktober 1918 - Wassenaar, 27 juny 1991) wie in Nederlânske politikus en bestjoerder út namme fan de VVD.
Biografy Komôf Geertsema kaam út in famylje fan ûndernimmers en politisy en wie de soan fan Johan Herman Geertsema, mei-eigener fan it bankiershûs Geertsema, Feith en Co. yn Grins. Syn oerpake Johan Herman Geertsema wie lid fan sawol de Earste as de Twadde Keamer fan de Steaten-Generaal, twa kear minister fan Ynlânske Saken en tusken 1878 en 1893 kommissaris fan de Kening fan de provinsje Oerisel, wylst syn pake Wilhelm Jacob Geertsema mei tuskenskoften lid fan de Twadde Keamer wie. Syn âldomke Carel Coenraad Geertsema wie fan 1893 oant 1917 kommissaris fan de Keninginne fan Grinslân en ek in pear jier lid fan de Earste Keamer.
Karriêre Molly Geertsema gie earst nei de iepenbiere skoalle Instituut Wolters fan 1924 oant 1930 en dêrnei nei it Twadde Gymnasium yn De Haach, dêr 't er yn 1937 ôfstudearre. Yn syn studintetiid wie er yn de perioade 1945 -1946 praeses fan it Leidsch Studenten Corps. Nei ôfrin fan syn rjochtestúdzje wie Geertsema fan 1947 oant 1953 yn Leien aktyf as repetitor foar it fak boargerlik rjocht. Hy wie letter aktyf yn it gemeentebestjoer en as amtner fan Ynlânske Saken.
Yn 1959 debutearre hy as Twadde Keamerlid yn de lânspolityk, letter kombinearre hy it fraksjefoarsitterskip mei it amt fan boargemaster fan Wassenaar. Hy wie minister fan Ynlânske Saken en sicepremier yn de kabinetten Biesheuvel I en Biesheuvel II.
Hy waard yn 1973 kommissaris fan de Keninginne yn Gelderlân en wenne yn it kastiel Middachten. Nei syn pinsjonearring as kommissaris wie er noch fjouwer jier Earste Keamerlid.
Geertsema wie fanwegen syn (affektearre) tongfal foar in soad minsken it prototype fan de liberale boargerhear. Hy stie yn de VVD lykwols links fan it midden, benammen troch syn pleit foar gearwurking mei de PvdA en foar gelikense rjochten fan homoseksuelen.
Keppelingen om utens J. Bosmans, 'Geertsema, Willem Jacob (1918-1991)', yn: Biografisch Woordenboek van Nederland 6 Parlement.com - biografy VVD geschiedenis - biografy
Kategory:Nederlânsk politikus Kategory:Nederlânsk boargemaster Kategory:Nederlânsk gemeenteriedslid Kategory:Gemeenteriedslid fan De Haach Kategory:Kommissaris fan de Kening(inne) yn Gelderlân Kategory:Earste Keamerlid Kategory:Twadde Keamerlid Kategory:Nederlânsk minister fan Binnenlânske Saken Kategory:Nederlânsk minister fan Keninkryksrelaasjes Kategory:Fise-premier fan Nederlân Kategory:VVD-politikus Kategory:Nederlânsk liberaal Kategory:Nederlânsk amtner Kategory:Persoan berne yn 1918 Kategory:Persoan stoarn yn 1991