thumb|left|Joop Landré, bekend as Fox fan Herrijzend Nederland, foar de mikrofoan thumb|Reportaazjewein nei de kapitulasje maaie 1945 yn Apeldoarn thumb|Meiwurkers fan Radio Herrijzend Nederland mei in grammofoanplatemasine
Radio Herrijzend Nederland wie in radio-omrop dy't fan 1944 oant 1946 útstjoerde út Eindhoven wei ûnder ferantwurdlikheid fan Sectie XI fan it Militêr Gesach (1944-1946). Eindhoven waard befrijd op 18 septimber 1944. Yn it geheim wie by Philips al boud oan in radiostjoerder. Dêrmei waard op 3 oktober it earste programma útstjoerd. Omropper wie de sjoernalist H.J. van den Broek, sjef fan Radio Oranje.
De útstjoeringen wiene alle dagen tusken 7:00 en 9:30, 12:00 en 13:30, en tusken 17:00 en 22:15 op de 420 meter. Bekende meiwurkers fan Herrijzend Nederland wiene Max Dendermonde, Arie Kleijwegt, Fred Knol, Joop Landré, Kees Middelhoff, Karel Nort, Netty Rosenfeld, Tonny Schifferstein en Frits Thors. Yn de tiid oant de befrijing fan it hiele lân besochten se de minsken yn beset gebiet moed yn te sprekken, en tsjinwicht te jaan oan de Dútske propaganda. Nort hie de eare de harkers it nijs mei te dielen fan de Dútske kapitulaasje.
Nei de befrijing hat Herrijzend Nederland noch útstjoerd o/m 19 jannewaris 1946. Nei de befrijing wiene op oare plakken yn it lân oare Herrijzend Nederland-stjoerders aktyf, lykas de Haachske stjoerder Herrijzend Nederland III. <ref>Ab Zuurmond, [https://www.museumwaalsdorp.nl/nl/geschiedenis/gesch_oorlogstijd/ Het Physisch Laboratorium tijdens de bezettingstijd' ], 2002, op webstek fan Museum Waalsdorp </ref> Algemene uitzendingen, zoals de nieuwsdienst, vielen daarna onder de stichting Stichting Radio in Overgangstijd. Oare útstjoeringen waarden wer troch de âlde omropferieningen fersoarge út Hilversum wei, dat ta teloarstelling fan Van den Broek, inkelde ministers en in tal personielsleden fan ferskate omroppen, dy't foarstanner wiene fan ien nasjonale omrop. Oanslutend waard Van den Broek yn 1947 de earste direkteur fan Radio Nederland Wereldomroep. Dy ferfong de al foar de oarloch besteande koartegolfprogramma's fan PHOHI en PCJ.
Keppelingen om utens Radio Herrijzend Nederland, mei eftergrûnsynformaasje en lûdsfragminten Radio Herrijzend Nederland, NPO/VPRO Het Spoor Terug'' It besykjen om in nasjonale omrop op te rjochtsjen, NPO/VPRO Het Spoor Terug Radio Herrijzend Nederland, stim fan it befrijde suden, ED.nl, 17 septimber 2010
Kategory:Nederlânske radiostjoerder Kategory:Nederlân yn de Twadde Wrâldkriich Kategory:Organisaasje oprjochte yn 1944 Kategory:Organisaasje opheft yn 1946