Reactor, foarhinne Tor.com, is Amerikaansk online-tydskrift op it mêd fan science fiction en fantasy, dat ienris yn 'e moanne ferskynd. It is in útjefte fan 'e útjouwerij Tor Books. Reactor hat gjin papierrene ferzje, en kin fergees lêzen wurde.
__TOC__ Skiednis Reactor waard yn july 2008 oprjochte as Tor.com, en hie yn 2014 eltse moanne trochinoar 1,5 miljoen lêzers. Yn it blêd ferskine artikels en resinsjes oer science fiction en oare foarmen fan spekulative fiksje. Dêropta wurde yn it tydskrift ek nije koarte ferhalen publisearre, benammen fan science fiction.
Yn 2014 omskreau de Britske krante The Guardian Tor.com as "de regearjend kampioen fan 'e science fiction-tydskriften". Dy bewearing waard ûnderboud troch û.o. de fermelding dat yn it blêd nij wurk publisearre wie fan "in protte fan 'e nije talinten dy't de measte opwining feroarsaakje," lykas Maria Dahvana Headley en Karin Tidbeck.
Op 23 jannewaris 2024 waard Tor.com omneamd ta Reactor.
Ymprint Sûnt maaie 2014 wie Tor.com ek in ymprint fan Tor Books, dy't brûkt waard om koarte fiksje ûnder út te jaan, lykas novellen, koarte romans, ferhalebondels en blomlêzings.
Keppelings om utens Offisjele webside fan Reactor
Kategory:Amerikaansk science fiction-tydskrift Kategory:Amerikaansk fantasytydskrift Kategory:Ingelsktalich online-tydskrift Kategory:Krante of tydskrift oprjochte yn 2008 Kategory:Amerikaanske útjouwerij Kategory:Bedriuw oprjochte yn 2014 Kategory:Amerikaansk webstee Kategory:Ingelsktalich webstee Kategory:Webstee oprjochte yn 2008