Brutsen wyt is in oerkoepeljende beneaming foar alle kleurtinten dy't net folslein wyt binne, mar dêr hiel ticht tsjinoan sitte. It is in term dy't faak brûkt wurdt op it mêd fan ferve, benammen foar binnendoarynrjochting, lykas it fervjen fan muorren of houtwurk (plinten, doarposten, kezinen). Brutsen wyt wurdt beskôge as in neutraal kleurskema, dat wat nofliker oan 'e eagen is as folslein wyt. Guon fan 'e bekendste brutsen-wyttinten binne bêzje, krêm en ivoar. Histoarysk waard brutsen wyt yn 'e 1930-er jierren rûnom kombinearre mei dûnkere tinten bêzje of ljochtbrún. Letter wie brutsen wyt fral fan rûchwei 1955 oant 1975 op 'e nij tige populêr.
De wichtichste kleuren brutsen wyt binne: aaiskaal #F0EAD6 albast #EDEAE0 âldkant #FDF5E6 Aliceblau #F0F8FF antyk wyt #FAEBD7 azuerwyt #F0FFFF babypoeier #FEFEFA bêzje #F5F5DC bienwyt #E3DAC9 blommewyt #FFFAF0 fanylje #F3E5AB flaaksgiel #EEDC82 ivoar #FFFFF0 krêm #FFFDD0 maïsside #FFF8DC Navaho-wyt #FFDEAD Nederlânsk wyt #EFDFBB perkamint #F1E9D2 reekwyt #F5F5F5 seeskulp #FFF5EE sjampanje #F7E7CE sniewyt #FFFAFA spûkwyt #F8F8FF
Kategory:Kleur