De reuze-iikhoarntsjes of Oriïntaalske reuze-iikhoarntsjes (wittenskiplike namme: Ratufinae) foarmje in ûnderfamylje fan 'e klasse fan 'e sûchdieren (Mammalia), it skift fan 'e kjifdieren (Rodentia), it ûnderskift fan 'e iikhoarntsjes en sliepmûzen (Sciuromorpha) en de famylje fan 'e iikhoarntsjes (Sciuridae). Ta dizze ûnderfamylje heart mar ien skaai, dat ek reuze-iikhoarntsjes (Ratufa) hjit en fjouwer soarten omfet.
Fersprieding Reuze-iikhoarntsjes libje op it Yndyske subkontinint en yn Súdeast-Aazje. Yn 'e prehistoarje hiene se in grutter ferspriedingsgebiet. Bisten dy't tige op 'e leden fan it skaai fan 'e reuze-iikhoarntsjes lieken, en yn elts gefal hearden ta deselde ûnderfamylje, libben yn it ier Langyn (yn it Mid-Mioseen, 16 oant 15,2 miljoen jier lyn) yn wat no Dútslân is.
Underfamylje-opbou
ûnderfamylje reuze-iikhoarntsjes (Ratufinae) skaai reuze-iikhoarntsjes (Ratufa) Foaryndysk reuze-iikhoarntsje (Ratufa indica) griis reuze-iikhoarntsje (Ratufa macroura) ljocht reuze-iikhoarntsje (Ratufa affinis) twakleaurich reuze-iikhoarntsje (Ratufa bicolor)
Kategory:Iikhoarntsje