De Aerden Plaats (Frysk: "Ierden Pleats") is in organisaasje yn Fryslân dy't diel útmakket fan 'e Biltske Beweging. Dizze stifting, dy't fêstige is yn Aldebiltsyl, set him yn foar it behâld fan 'e Biltske kultuer en besiket kennis te fersprieden oer de skiednis fan it Bilt. Teffens fersoarget de Aerden Plaats toeristyske ynformaasje oer it Bilt en biedt de organisaasje in platfoarm foar pleatslike keunst.Ynformaasje oer de Aerden Plaats op 'e eigen webside fan de Aerden Plaats De Aerden Plaats waard yn 1999 oprjochte as it Besikerssintrum It Bilt en krige yn 2009 syn hjoeddeistige namme., Anderhalf miljoen voor restauratie Friese kerken en molens, yn: Frysk Nijs, 28 desimber 2011
De Aerden Plaats hat in besikerssintrum dêr't toeristyske ynformaasje te krijen is, mei dêrby in lyts museum dat foar in diel út in fêste tentoanstelling bestiet en foar in oar diel út wikseljende eksposysjes fan it wurk fan Biltske skilders en oare keunstners. It fêste diel wurdt foarme troch it saneamde Argeologysk Stipepunt, dêr't argeologyske fynsten toand wurde dy't op it Bilt dien binne.Ynformaasje oer it Argeologysk Stipepunt op 'e eigen webside fan de Aerden Plaats Op freed 13 maaie 2016 waard by in ynbraak yn it gebou fan de Aerden Plaats net allinne de kassa leechhelle, mar waard ek de kolleksje fan it Argeologysk Stipepunt plondere, dy't, los fan 'e kultuerhistoaryske wearde, gjin stoer wurdich wie.Aerden Plaats in één nacht leeggeroofd, yn: de Bildtse Post, 18 maaie 2016
De Aerden Plaats omfiemet ek de oanbuorjende Julianatsjerke. Dat is in âlde minnistyske fermanje, dy't yn 1806 boud en yn 1860 útwreide waard. De tsjerke, dy't erkend is as ryksmonumint, waard yn 1997, nei't er yn ûnbrûk rekke wie, oankocht troch de gemeente It Bilt. Yn 2009 waard it tsjerkegebou trochferkocht oan 'e Stifting DBF, dy't yn Fryslân mear monuminten op 'e noed hat. De Julianatsjerke is fia de Aerden Plaats te besichtigjen, en wurdt brûkt foar it hâlden fan tentoanstellings en konserten. Ek is it ien fan 'e offisjele troulokaasjes fan It Bilt.Ynformaasje oer de Julianatsjerke op 'e eigen webside fan de Aerden Plaats Fierders heart by de Aerden Plaats ek in flintertún fan 800 m², dy't efter it gebou leit.Ynformaasje oer de flintertún op 'e eigen webside fan de Aerden Plaats
De Aerden Plaats ûnderhâldt kontakten mei oare Biltske kulturele organisaasjes troch syn lidmaatskip fan 'e Stichting Bildts Aigene, in yn 2015 oprjochte koepelorganisaasje foar Biltske taal en kultuer. , Coördinator Bildts dient ontslag in, yn: de Ljouwerter Krante, 26 july 2017, s. 23.
Keppelings om utens Offisjele webside fan 'e Aerden Plaats
Kategory:Aldebiltsyl Kategory:It Bilt Kategory:Biltske Beweging Kategory:Fryske kulturele organisaasje Kategory:Fryske stifting Kategory:Museum yn Fryslân Kategory:Organisaasje oprjochte yn 1999