De Federal Aviation Administration, faak ôfkoarte ta FAA, is sûnt 1958 it buro fan de Amerikaanske nasjonale loftfeartautoriteit en falt ûnder it Amerikaanske ministearje fan Transport. De FAA fersoarget de folsleine regeljouwing fan de boargerloftfeart en alles wat dêrmei te krijen hat, lykas loftferkearslieding, personiel- en fleantúchsertifikaasje, mar ek de operaasje fan fleanfjilden yn it hiele lân.
Kearntaken De FAA hat meardere taken, wêrfan't de meast wichtige hjirûnder beskreaun wurde: It regulearjen fan kommersjeel loftferkear yn de Feriene Steaten It fêstlizzen fan noarmen oangeande navigaasjefasiliteiten en dêrmei gearhingjende ynspeksjes It stypjen en ûntwikkeljen fan loftfearttechnology It útjaan en ynlûken fan fleanbrevetten It regulearjen fan de boargerloftfeart ta ferbettering fan de feiligens It ûntwikkeljen en útfieren fan loftferkearslieding foar sawol boarger- as militêre fleantugen It ûndersyk dwaan nei en ûntwikkeljen fan it nasjonale loftrom (National Airspace System) It ûntwikkeljen en útfieren fan programma's oangegande miljeu-effekten fan de boargerloftfeart
Kategory:Loftfeartorganisaasje Kategory:Oerheid fan de Feriene Steaten Kategory:Organisaasje oprjochte yn 1958