Claudia Cardinale (Tunis, 15 april 1938 - Nemours, 23 septimber 2025) wie in Italjaansk filmaktrise. Har âldelju wiene fan Italiaansk (Sisyljaansk) komôf, mar de húshâlding wenne yn Tunezië.
Biografy Yn 1957 wûn Claudia in skientmewedstriid yn Tunezië; de priis wie in besite oan it filmfestival fan Feneetsje, dêr't se ûntdutsen waard troch har lettere man Franco Cristaldi. Sy makke har debút yn 1958 mei de film Goha, yn itselde jier noch folge troch I Soliti ignoti. Yn de jierren 60 spile hja yn tal fan Italjaanske films, lykas Rocco e i suoi fratelli (1960) en Il gattopardo (1963) fan regisseur Luchino Visconti, 8½ (1963) fan Federico Fellini en spagettywesterns lykas Once Upon a Time in the West (1968) fan Sergio Leone.
Ynearsten waard sy troch filmmakkers oanhelle as sekssymboal, mar it slagge har om te waaksen ta in ynternasjonaal wurdearre aktrise. Yn 2000 waard se om reden fan har ferneamdens beneamd ta UNESCO Goodwill Ambassadeur mei as de taak frouljusrjochten te befoarderjen.
Claudia Cardinale wie fan 1966 oan 1975 boaske oan de Italjaanske filmprodusint Franco Cristaldi. Sûnt 1975 wennet se mei de Italjaanske regisseur Pasquale Squitieri fan wa't se in dochter krige, Claudia.
Yn 2005 publisearre se har memoires ûnder de titel Mes étoiles ('Myn stjerren').
Filmografy In kar-út: Film Goha (1958) I soliti ignoti (1958) Austerlitz (1959) Upstairs and Downstairs (1959) Rocco e i suoi fratelli (1960) Cartouche (1961) Il gattopardo (1963) 8½ (1963) The Pink Panther (1963) La ragazza di Bube (1963) Vaghe stelle dell'orsa (1965) The Professionals (1966) Lost Command (1966) Once Upon a Time in the West (1968) Conversation Piece (1975) Escape to Athena (1979) La pelle (1981) Fitzcarraldo (1982) Enrico IV (1984) Claretta (1984) La storia (1986) Atto di dolore (1990) Mayrig (1992) 588 rue paradis (1993) Son of the Pink Panther (1993) Elles ne pensent qu'à ça (1994) Sous les pieds des femmes (1997) Li chiamarono... briganti! (1999) And Now... Ladies and Gentlemen (2002) Le démon de midi (2005) Cherche fiancé tous frais payés (2007) Le Fil (2009) Signora Enrica (2010) Un balcon sur la mer (2010) Father (2011) Gebo and the Shadow (2012) The Artist and the Model (2012) Joy de V. (2013) The Silent Mountain (2014) Effie Gray (2014)
Tillefyzje 1977: Gesu di Nazareth – Regy: Franco Zeffirelli 1994: René Lévesque (tf-rige) 1996: Nostromo 1997: Deserto di fuoco (tf-rige) – regy: Enzo G. Castellari 2000: Élisabeth – Ils sont tous nos enfants – regy: Pasquale Squitieri
Keppelings om utens Claudia Cardinale yn de IMDb Foto's en literatuer
Kategory:Italjaansk filmakteur Kategory:Italjaansk sosjaal aktivist Kategory:Tunezysk filmakteur Kategory:Tunezysk sosjaal aktivist Kategory:Frouljusrjochte-aktivist Kategory:Goodwill-ambassadeur fan de Feriene Naasjes Kategory:Sisyljaansk persoan Kategory:Tunezysk persoan fan Sisyljaansk komôf Kategory:Italjaansk persoan fan Tunezysk komôf Kategory:Persoan berne yn 1938 Kategory:Persoan stoarn yn 2025