Lit-Sjen-Wylst-Er-Giet (Ingelsk: Shows-As-He-Goes; yn Montana, 18?? – dêre, nei 1905) wie in haadman fan 'e Krieën, in Yndiaansk folk fan 'e Grutte Flakten fan Noard-Amearika.
Libben Lit-Sjen-Wylst-Er-Giet waard yn 'e earste helte fan 'e njoggentjinde iuw berne yn wat letter de Amerikaanske steat Montana wurde soe. Hy ûntjoech him ta in haadman fan 'e krigers fan syn folk, de Krieën, en wie belutsen by ferskate skermutselings en gefjochten mei de Amerikaanske kavalery en mei blanke kolonisten dy't har op it lân fan 'e Krieën nei wenjen sette woene.
Yn 1905 mette er de Amerikaanske fotograaf Edward S. Curtis, troch wa't er him op 'e foto sette liet. Tsjin dy tiid wie Lit-Sjen-Wylst-Er-Giet in âldman op hege jierren, waans oarlochsferline lang foarby wie. It is net bekend wannear't Lit-Sjen-Wylst-Er-Giet stoarn is.
Kategory:Yndiaansk lieder yn Noard-Amearika Kategory:Persoan yn it Wylde Westen Kategory:Persoan fan Kriesk komôf Kategory:Persoan berne yn de 19e iuw Kategory:Persoan stoarn yn de 20e iuw